1 TESALONICENSES 5:12 - Dios Rimashcata Quillcashcami

¹² Cuyashca criccuna, cancunapurapi Apunchic Jesusta serviccunata, cunashpa yachachiccunata alli cazunguichic.

Nuevo Testamento en Quichua Cañar 1996

¹² C'uyashca criccuna, cancunapurapi Apunchic Jesuspacta ruhuashpa, cunashpa yachachiccunataca alli cazuichic nishpami mañanchic.

1 TESALONICENSES 5:12 ပူးပေါင်းရင်းမြစ်များ

SAN LUCAS 10:7

Trabajac runaca pagota japinami can. Chaimanta mai huasipi alli chasquicpica, chaipi imata cushcata micushpa, ubiashpa canguichic.

SAN JUAN 4:38

Ñucaca, mana cancuna trabajashca chagrata cosechachunmi cachani. Shuccunami llaquita apashpa trabajarca. Shina cacpipish, cancunami chai trabajashcamantaca japinguichic— nirca.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

HECHOS 20:35

Chashna trabajashpami huacchacunata ayudana canguichic. Chaitami yachachicurcanilla. Apunchic Jesusca: “Ayudacmi, chasquicta yalli cushicun” nircami. Chaita yuyaringuichic» nirca.

ROMANOS 16:12

Apunchic Jesusta servic Trifenatapish, Trifosatapish saludanguichic. Ñucahuan yallita apanacuc Persidetapish saludanguichic. Paica yallitami Apunchic Jesusta servishpa trabajarca.

ROMANOS 16:6

Cancunata yallita ayudac Mariatapish saludanguichic.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

1 CORINTIOS 16:16

Chaimantami paicuna shina ayudaccunatapish, shuctac ayudaccunatapish, tucui serviccunatapish cazuchun mañani.

1 CORINTIOS 16:18

Paicunami cancunata cushichic shina, ñucatapish cushichirca. Chashna gentecunataca pagui nicunallami canchic.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

2 CORINTIOS 11:23

Paicunaca “Cristota serviccunami canchic” ninchari, ñucapish paicunamanta yalli alli servicmi cani. Caitaca yuyai illac shinami rimani. Paicunamanta yallimi ñucaca trabajarcani. Paicunamanta yallimi carcelpi carcani. Paicunamanta yallimi macashca carcani. Shinallatac tauca cutinmi huañunallapish carcani.

2 CORINTIOS 5:9

Chaimantami causashpapish, huañushpapish, Apunchic Jesusta cushichina yuyailla canchic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

GÁLATAS 4:11

Ñucaca cancunaman ima yachachishcapish yanga cana cashcatami manchani.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapi mai cushicusha.

FILIPENSES 2:19

Apunchic Jesuspac munai cacpica, Timoteotami cancunapacman utca cachanata yuyacuni. Pai cutimushpa cancuna ima shina cashcata huillacpica, ashtahuanmi cushicusha.

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

1 TESALONICENSES 2:9

Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

1 TIMOTEO 5:1

Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

2 TIMOTEO 2:6

Tarpuc runapish, granota japingapacca allpataracmi yallita allichishpa trabajanata charin.

TITO 1:3

Caitaca ñucanchicta Quishpichic Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.

TITO 1:5

Creta llactapi canta saquishpaca, ñuca nishca shinallatac chai allichina cashcatapish allichichun, tandanacushca criccuna tiyac pueblocunapica criccunata pushaccunata acllashpa churachunmi saquimurcani.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

HEBREOS 13:7

Diospac shimita huillashpa, cancunata pushaccunata yuyarichic. Paicuna causashcata ricushpa, paicuna shina crishpa causaichic.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 2:12

Pérgamo pueblopi cac tandanacushca criccunata ricuc angelman quillcai: “Ishcai filoyuc puntasapa espadata charicucca:

APOCALIPSIS 2:18

Tiatira pueblopi cac tandanacushca criccunata ricuc angelman quillcai: “Ñahui murucunapish nina jagan nicuc shina, shinallatac chaquicunapish bronce rupashca jagan nicuc shinata charic Diospac Churica:

APOCALIPSIS 2:3

Ñucata caticushcamanta llaquicunata apashpapish, mana piñarishpa, mana shaicushpa caticushcatapish yachanimi.

APOCALIPSIS 2:8

Esmirna pueblopi cac tandanacushca criccunata ricuc angelman quillcai: “Huañushca cashpapish causaric, shinallatac callarichic, tucuchicca:

APOCALIPSIS 3:1

Sardis pueblopi cac tandanacushca criccunata ricuc angelman quillcai: “Diospac canchis Espirituta shinallatac canchis lucerota charicucca: Ñucaca can imata ruhuacushcata, shinallatac causacunimi nicushpapish huañushca shina cashcataca yachanimi.

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca:

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca: