1 TESALONICENSES 4:5 - Dios Rimashcata Quillcashcami

⁵ Diosta mana cazuccuna shina mapa yuyaicunallahuan ama causachunmi munan.

Nuevo Testamento en Quichua Cañar 1996

⁵ Diosta mana cazuccuna shina mapa yuyaicunahuan, mana alli munaicunallahuan ama causaichicchu ninmi.

1 TESALONICENSES 4:5 ပူးပေါင်းရင်းမြစ်များ

SALMOS 79:6

Can yallita piñarishcataca canta mana ricsiccunapac jahuapi cambac shutita mana mañac mandaccunapac jahuapi churaiyari.

JEREMÍAS 10:25

Canta mana ricsic llactacunata, cambac shutipi mana mañac gentecunata yallita piñarishpa llaquichiyari. Chaica paicunami Jacobopac llactataca lambishpa micuc shina tucuchirca. Paicunami causana huasitapish shitashcata saquirca» nircani.

SAN MATEO 6:32

Diosta mana ricsiccunami chashna causancuna. Jahua pacha Diosca cancunapac ima illashcataca ña yachanmi.

SAN LUCAS 12:30

Diosta mana cazuccunallami chashna llaquirishpa purincuna. Ashtahuanpish cancunapac Taitaca, cancunapac imalla illashcataca yachanmi.

HECHOS 17:23

Cai pueblopi puricushpaca, cancunapac dioscunata yuyarina huasicunatami ricurcani. Shinallatac shuc altarpica: “Mana Ricsishca Diospac altarmi” nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi huillacuni.

ROMANOS 1:24

Chaimantami paicunapac shungu munashcata ruhuachun Diosca saquishca. Chashna saquicpimi, caishuc chaishuc-huan pingaipac, millana juchacunata ruhuarca.

ROMANOS 1:26

Chaimantami Diosca pingaipac juchacunata ruhuachun saquirca. Shina saquicpimi, huarmicunaca carihuan chayarinata saquishpa, huarmipura chayarinacurca.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

1 CORINTIOS 15:34

Cancunapuramanta maijanca manarac Diosta ricsinchu. Chaimanta alli yuyaiman causaichic, ama juchata ruhuaichicchu. Caicuna pingachunmi chashnaca nini.

GÁLATAS 4:8

Cancunaca Diosta ñaupaman mana ricsishcamantami, manapish dioscunata cazushpa serviccuna carcanguichic.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.