1 TESALONICENSES 4:13 - Dios Rimashcata Quillcashcami

¹³ Cuyashca criccuna, huañushcacuna causarinata mana criccuna shina ama llaquilla cachunmi, huañushcacuna ima tucuna cashcata yachachun munanchic.

Nuevo Testamento en Quichua Cañar 1996

¹³ C'uyashca criccuna, “huañushcacuna mana causaringachu” niccuna shina ama llaquilla cachunmi, huañushcacuna ima tucuna cashcata yachachun munanchic.

1 TESALONICENSES 4:13 ပူးပေါင်းရင်းမြစ်များ

GÉNESIS 37:35

Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.

2 SAMUEL 18:33

Shina nicta jatun mandac uyashpaca yallita mancharishpami, chai puebloman yaicuna pungu jahua ucuman munai huacashpa rirca. Pai huacashpaca: «¡Ñuca huahua Absalonlla! ¡Ñuca huahua Absalonlla! ¡Can huañunapac randica ñuca huañushpachari alli caiman carcani! ¡Ñuca huahua Absalonlla, ñuca huahualla!» nishpami huacarca.

1 REYES 1:21

Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

EZEQUIEL 37:11

Mandac Dios cutinllatac rimashpaca: «Huañunalla runa, cai tullucunaca israelcunami. Paicunaca: “Ñucanchic tullucunaca chaquishcami. Ñucanchicca ima shuyanatapish mana charinchicchu. Tucuimi tucurishcanchic” nincunami.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

LEVÍTICO 19:28

Maijan huañushcamanta ama cancunapac cuerpota chugringuichicchu, ama cancunapac cuerpopi imapish ricunacunata ruhuanguichicchu. Ñucami Mandac Dios cani.

LEVÍTICO 21:2

Chaica, cancunapac familiamanta taita, mama, huauqui, churi, ushi,

SAN MATEO 27:52

Shinallatac enterrashca jutcucunapish pascarircami. Chashna pascaricpica, Diospaclla caccunaca causarircami.

SAN JUAN 11:24

Shina nicpimi Martaca: —Ari, tucuri punzhapica causaringami. Chaitaca yachanimi— nirca.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

HECHOS 8:2

Dios yuyailla causac runacunami yallita huacashpa, Estebantaca enterrarca.

ROMANOS 1:13

Cuyashca criccuna, shuctac llactacunapi huillashpa criccunata tandachishca shina, cancunapac llactapipish tandachingapacmi tauca cutin cancunata ricugrinata munarcani. Shina cashpapish, imapish jarcaicuna tiyashcamantami mana ricugri pudircani. Chaitami yachachun munani.

1 CORINTIOS 10:1

Cuyashca criccuna, ñucanchic ñaupa taitacuna ima tucushcata yachachunmi munani. Paicunaca puyu llandupipishmi carca. Puca Cuchatami pasarcacuna.

1 CORINTIOS 12:1

Cuyashca criccuna, Diospac Espíritu imacunallata ruhuachic cashcataca yachanami canguichic.

1 CORINTIOS 15:6

Chai quipaca pichca patsac yalli criccunamanmi ricurirca. Chaita ricuccunapuramantaca achcacunami causacuncunarac. Cutin maijancunaca ña huañushcacunami.

2 CORINTIOS 1:8

Cuyashca criccuna, Asia llactapi ñucanchic jatun llaquita apashcata yachachunmi munanchic. Mana apaipac llaquita charishpami, ña mana ashtahuan causashunchu nishpa yuyarcanchic.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

1 TESALONICENSES 4:14

Apunchic Jesús huañushca cashpapish causarishcata crishpaca, Apunchic Jesusta shuyashpa huañushcacunata Jesus-huan Dios-huan causachina cashcatami crinchic.

1 TESALONICENSES 4:15

Apunchic Jesús mandashca shinami pai cutimungacaman, ñucanchic causaccunaca huañushcacunata ñaupashpa, mana jahua pachaman rishun.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

1 TESALONICENSES 5:6

Chaimanta mana caishuccuna shina sueñunachu canchic. Ashtahuanpish riccharishca shina chaparanami canchic.

2 PEDRO 3:4

«Apunchic Jesús cutin shamushami nishcaca, ¿maitacyari? Ñucanchic taitacunapish ña huañurcami. Cai pachata Dios ruhuashcamanta pachami chai shinallatac caticun» ningacunami.

2 PEDRO 3:8

Cuyashca criccuna, Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.