1 TESALONICENSES 4:11 - Dios Rimashcata Quillcashcami

¹¹ Ñucanchic cancunata mandashca shinallatac, quiquin maquihuan imatapish ruhuashpa, tucuihuan sumacta causanata yuyaichic.

Nuevo Testamento en Quichua Cañar 1996

¹¹ Ñucanchic cancunaman ña nishca shinallatac, shucpac causaipi mana satirishpa, quiquin maquihuan imatapish ruhuashpa, sumacta causanata yuyaichic.

1 TESALONICENSES 4:11 ပူးပေါင်းရင်းမြစ်များ

PROVERBIOS 17:1

Sumac micuicunata micushpapish piñanacushpalla causanapac randica, chaquishca tandata micushpa, sumacta causanami ashtahuan alli.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

ECLESIASTÉS 4:6

Llaquita trabajashpa, ishcai maquipi imata charinapac randica, ashallata trabajashpa, shuc maquillapi imata charinami ashtahuan alli.

LAMENTACIONES 3:26

Mandac Dios quishpichinata upalla shuyanaca allimi.

MARCOS 13:34

Caica shuc amo caru llactaman rishpa, paita serviccuna imacunallata ruhuachun mandashpa saquic shinami. Huasita cuidactaca pungupi chaparachunmi mandashpa saquin.

HECHOS 18:3

Pabloca, paipish carpata ruhuac cashpami, paicunahuan carpata ruhuangapac saquirirca. Paicunaca carpata ruhuaccunami carca.

HECHOS 20:35

Chashna trabajashpami huacchacunata ayudana canguichic. Chaitami yachachicurcanilla. Apunchic Jesusca: “Ayudacmi, chasquicta yalli cushicun” nircami. Chaita yuyaringuichic» nirca.

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

ROMANOS 15:20

Cristomanta pi mana huillashca llactacunapi huillanatami ashtahuan munarcani. Shuccuna Cristomanta huillashpa, criccunata callarichishca jahuapi callarichinataca mana munarcanichu.

1 CORINTIOS 4:12

Ñucanchic quiquin maquihuan trabajashpami yallita shaicushcanchic. Ñucanchicta rimaccunataca Dios bendiciachun mañanchicmi. Llaquichicpipish, chai llaquita apanchicllami.

2 CORINTIOS 5:9

Chaimantami causashpapish, huañushpapish, Apunchic Jesusta cushichina yuyailla canchic.

EFESIOS 4:28

Shuhuac cashpapish shuhuanata saquishpa, trabajanata yuyaichic. Shina quiquin maquihuan trabajashpami, huacchacunaman imata cungapacpish charinguichic.

1 TIMOTEO 2:2

jatun mandaccunamanta, llactatac mandaccunamanta, ñucanchic sumacta apanacushpa cangapacca, Diosta mañashpa causachunmi munani. Shina mañashpami Diosta cazushpa, imapipish alli nishca cashun.

1 TIMOTEO 5:13

Shinallatac huasi huasi purishpami, yanga siriccuna tucun. Chashnallapish mana canchu, ashtahuanpish huashalla parlaccuna, tucuipi satirishpa manapish cashcata parlaccunami tucuncuna.

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

1 PEDRO 3:4

Chaipac randica cancunapac ucu shungumantatac allichirishpa, mana piñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.

1 PEDRO 4:15

Maijan cancunamanta llaquita apashpaca, amatapish huañuchic cashcamanta, shuhuac cashcamanta, ima mana allita ruhuac cashcamanta, shuccunapac causaipi satiric cashcamanta llaquichishca cachun.