1 TESALONICENSES 3:2 - Dios Rimashcata Quillcashcami

² ñucanchic huauqui Timoteota cancunapacman cacharcanchic. Paica Diosta servic, ñucanchic-huan Jesucristomanta alli huillaita huillacmi. Paimi cancunata cunashpa crina yuyaita cunga.

Nuevo Testamento en Quichua Cañar 1996

² Jesusmanta ñucanchic huauqui Timoteollata cancunapacman cacharcanchic. Paica Cristomanta alli huillaita huillashpa, Taita Diospacta ruhuacmi. Pai cancunapacman rishpa cunashpa, alli crina yuyaita cuchunmi, chashna cacharcanchic.

1 TESALONICENSES 3:2 ပူးပေါင်းရင်းမြစ်များ

HECHOS 16:1

Chai quipaca Pabloca Silas-huanmi Derbe pueblota rishpa, Listra puebloman chayarca. Chaipimi Jesucristota cric Timoteo causarca. Paipac mamapish israelcunapuramanta cric huarmimi carca. Taitaca griego runami carca.

HECHOS 16:5

Chashna huillacpica, criccunapac tandanacuica maipipish ashtahuanmi sinchiyashpa, punzhanta mirarirca.

HECHOS 18:5

Silas Timoteohuan Macedonia llactamanta chayamucpicarin, Pabloca ashtahuanmi israelcunamanca: “Jesusmi Quishpichic Cristoca” nishpa, alli huillaita huillarca.

ROMANOS 16:21

Ñucata ayudac Timoteopish, ñuca llactamanta Luciopish, Jasonpish, Sosipaterpish saludancunami.

1 CORINTIOS 3:10

Dios paipac cuyaimanta cayacpimi, huasichic shina pircai callarircani. Callari pircata ñuca ruhuashca quipaca, shucmi pircata churashpa caticun. Chai pircata churaccunaca, tucuimi quiquinllatac ima shina churacushcata ricuna can.

1 CORINTIOS 4:17

Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

2 CORINTIOS 1:1

Dios munashcamanta Jesucristopac apóstol Pablomi huauqui Timoteohuan Corinto pueblo, shinallatac Acaya llacta Diospaclla tandanacushca criccunaman quillcanchic.

2 CORINTIOS 1:19

Silvanopish, Timoteopish, ñucapish cancunaman huillacushca, Diospac Churi Jesucristoca mana chai ratollatac «ari», «mana» nicchu carca. Jesucristoca Dios-huan ari nishcata pactachicmi.

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

2 CORINTIOS 2:13

Shina cacpipish huauqui Tito mana tupashcamantaca, maimi llaquilla carcani. Chaimantami paicunata caya minchacaman nishpa, Macedonia llactaman rircani.

2 CORINTIOS 8:23

Titoca ñucahuan pacta cancunapac allipac ruhuashpa puricmi can. Cutin caishuc ishcai huauquicunaca, caipi chaipi cac tandanacushca criccuna acllashca, Cristo alli nishca cachun ruhuaccunami cancuna.

FILIPENSES 1:25

Chashna cacpimi cancuna crishpa ashtahuan cushicushpa sinchiyachunca, manarac huañushpa cancunahuan causanaca alli cashcatatac yuyani.

COLOSENSES 1:1

Dios munashcamanta Jesucristopac apóstol Pablomi, huauqui Timoteohuan,

COLOSENSES 1:7

Cai alli huillaitaca, ñucanchic-huan Diospacta ruhuac cuyashca Epafrasmi yachachirca. Paica Jesucristota alli catic cashpami, cancunaman imapish alli cachun allita ruhuacun.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

COLOSENSES 4:9

Ñucanchic cuyashca, allita pactachic huauqui Onesimopish paihuanmi rin. Paica cancunapurallatacmi can. Paicunami caipi tucui ñucanchic ima shina cashcatapish parlanga.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

1 TESALONICENSES 3:5

Chaimantami cancuna crinata saquicungami yuyashpa cancunata ricuchun Timoteota cacharcani. Diablo cancunata pandachicpi, ñucanchic cancunaman huillashca yanga tucunatami mancharcani.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.