1 TESALONICENSES 2:9 - Dios Rimashcata Quillcashcami

⁹ Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

Nuevo Testamento en Quichua Cañar 1996

⁹ C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

1 TESALONICENSES 2:9 ပူးပေါင်းရင်းမြစ်များ

2 REYES 6:2

Chaimanta cunanca Jordán yacu ladoman rishpa, cada shuc jatun caspicunata pitishpa, chaipi causangapac huasita ruhuachun saqui— nirca. Shina nicpimi Eliseoca: —Richiclla— nirca.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 5:18

Cada punzha micungapacmi shuc huagrata, sucta ovejata acllashpa huañuchic carcani. Ñucamanpish alasyuc animalcunatami huañuchic carca. Vinotapish cada chunga punzhapimi achcata apamuccuna carca. Shina cacpipish, chai llactapi causaccuna yallita llaquita apashpa trabajacucpimi, mandaccuna japina cashcataca mana japircani.

SALMOS 32:4

Tutapish, punzhapish cambac maquica llaquichishpami catirca. Verdinlla quihua shina cashpapish, usyaipi chaquishca quihua shinami tucurca.

SALMOS 88:1

Ñucata quishpichic Mandac Dioslla, tutapish, punzhapish canllatami mañani.

PROVERBIOS 31:18

Ima shina caturicucta ricuranmi. Paipac lamparapish tutaca mana huañunchu.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?

SAN LUCAS 2:37

Paica pusac chunga chuscu huatatami viuda carca. Chai yuyac huarmica Diosta mañana huasimanta mana llucshishpami, punzhanta Diosta servishpa, mañashpa ayunashpa, causac carca.

HECHOS 18:3

Pabloca, paipish carpata ruhuac cashpami, paicunahuan carpata ruhuangapac saquirirca. Paicunaca carpata ruhuaccunami carca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

1 CORINTIOS 4:12

Ñucanchic quiquin maquihuan trabajashpami yallita shaicushcanchic. Ñucanchicta rimaccunataca Dios bendiciachun mañanchicmi. Llaquichicpipish, chai llaquita apanchicllami.

1 CORINTIOS 9:15

Shina cacpipish, cancunamantaca imata mana japishcanichu. Cancunamanta imata japingapacpish mana quillcanichu. Pimanta imata mana chasquishpa, alli huillaita huillashpa cushicunata chingachinapac randica, huañunatami munani.

1 CORINTIOS 9:18

Alli huillaita huillashcamanta japinata saquishpa, imata mana japishpa, cushicushpa Cristomanta alli huillaita huillanami, tucuimanta yalli japinaca can.

1 CORINTIOS 9:4

Ñucanchic huillaccunaca ¿manachu micunatapish, ubianatapish chasquina canchic?

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana sueñushpa pacarircani. Yarcaihuanpish, yacunayaihuanpish carcanimi. Tauca cutinmi mana micurcani. Chirimantapish, churana illaimantapish llaquitami aparcani.

2 CORINTIOS 11:9

Cancunahuan cashpaca, ima illac cashpapish imata mana mañarcanichu. Chai imalla illashcataca Macedonia llactamanta shamuc criccunami curcacuna. Cancunataca imata mañashpa mana piñachircanichu, shinallatacmi mana piñachishpa catinata munani.

2 CORINTIOS 6:5

Chashnami macashca, carcelpi churashca, tandanacushpa camishca, sinchi ruhuaihuan, mana sueñushca, shinallatac yarcaihuanpish carcanchic.

FILIPENSES 4:16

Tesalónica pueblopi cacpipish, ñucaman ima illashcataca cutin cutinmi carashpa cacharcanguichic.

1 TESALONICENSES 1:3

Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

1 TESALONICENSES 2:2

Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi.

1 TESALONICENSES 2:6

Cancunapac, shuccunapac pipac ñaupapipish mana alli nishca gentecuna shina ricurishun nircanchicchu.

1 TESALONICENSES 3:10

Ñucanchicca cancunapac ñahuita ricushpa, crina yuyaita cushpa, ashtahuan sinchiyachinatami munanchic. Chaimantami tutapish punzhapish Diosta mañacunchiclla.

1 TIMOTEO 1:11

Cai alli yachaicunataca quishpirinamanta sumac alli huillaimi yachachin. Chaita huillachunmi, tucui mashna alli nina Diosca ñucaman mingarca.

1 TIMOTEO 4:10

Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

1 TIMOTEO 5:5

Imata mana charic viudaca Diospi shunguta churashpami, “paica cungallami” nishpa punzhapish, tutapish mañacunlla.

2 TIMOTEO 1:3

Tutapish, punzhapish canta yuyarishpa paiman mañacushpaca, ñaupa taitacuna ruhuashca shinallatacmi, ñucapish chuya yuyaihuan Diospacta ruhuashpa pagui nicunilla.