1 TESALONICENSES 2:17 - Dios Rimashcata Quillcashcami

¹⁷ Cuyashca criccuna, cancunamanta asha punzhacunata caruyashpapish, cancuna yuyailla cashpami, cancunata ricugrina yuyailla carcanchic.

Nuevo Testamento en Quichua Cañar 1996

¹⁷ C'uyashca criccuna, cancunamanta ashata caruyashpa, mana ricui pudishpapish, cancuna yuyaillami carcanchic. Chaimantami cancunataca cutin ricugrina yuyailla carcanchic.

1 TESALONICENSES 2:17 ပူးပေါင်းရင်းမြစ်များ

GÉNESIS 31:30

Ña cambac taitapac huasita yuyarishpa, cutina munaita charishpaca, ¿ima nishpatac ñuca dioscunata shuhuamurcangui?— nirca.

GÉNESIS 45:28

Chaimantami taita Israelca: —¡Ñuca churi Joseca causacushcaracmi! Cunanca manarac huañushpa ricugrisha, chaillatacmi yachasha nircani— nirca.

GÉNESIS 48:11

Chaipimi taita Israelca Josetaca: —Cambac ñahuitaca ña mana ashtahuan ricushachu yuyarcanimi. Shina cacpipish, Diosmari cambac churicunatapish ricuchun munashca— nirca.

2 SAMUEL 13:39

Jatun mandac Davidca Amnón huañushcamanta ña cungarishpami, Absalonta ricuna munaihuan carca.

2 REYES 5:26

Shina nicpi, Eliseoca: —Carretamanta uricushpa, chai runa tupangapac shamucpica, ñuca shunguca ¿Manachu canhuan carca? ¿Cullquita, churanacunata, olivos chagracunata, uvas chagracunata, ovejacunata, huagracunata, servic caricunata, servic huarmicunata japina punzhami yuyanguichu?

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

SAN LUCAS 12:58

Maijan canta juezpacman apacucpica, manarac chayashpa, paihuan ima shinapish alli tucunata yuyangui. Mana alli tucucpica, juezpacman chayachishpa, cantaca soldadocunaman cushpa, carcelpi churachingami.

SAN LUCAS 22:15

Chaipimi Jesusca: —¡Ñucaca manarac llaquita apashpami, cancunahuan Pascua fiestata micunata munacurcani!

HECHOS 17:10

Chai tutallatacmi criccunaca Pablotapish, Silastapish Berea puebloman utca cacharca. Ña Bereaman chayashpaca, israelcuna tandanacuna huasimanmi yaicurca.

ROMANOS 1:13

Cuyashca criccuna, shuctac llactacunapi huillashpa criccunata tandachishca shina, cancunapac llactapipish tandachingapacmi tauca cutin cancunata ricugrinata munarcani. Shina cashpapish, imapish jarcaicuna tiyashcamantami mana ricugri pudircani. Chaitami yachachun munani.

ROMANOS 15:23

Cunanca, cai llactacunapi imata ruhuana mana tiyacpimi, tauca huatacunata ricungapac rina munaita charishcamanta,

1 CORINTIOS 5:3

Ñuca mana cancunahuan cashpapish, ñuca yuyaipica cancunahuanmi cani. Chaimantami ñucapish chai ruhuactaca juchanchishpa mana allichu nini.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuc-huan shuc shinalla cashcata yachashpami cushicuni.

1 TESALONICENSES 3:6

Shina cacpipish Timoteo Tesalonicamanta cutimushpami, cancuna allita crishpa, cuyanacushpa causacushcata huillashpa cushichirca. Ima shinami ñucanchic cancunata ricuna yuyailla canchic, chai shinallatac cancunapish ñucanchicta ricuna yuyailla cashcatami huillarca.