1 TESALONICENSES 2:11 - Dios Rimashcata Quillcashcami

¹¹ Shuc taita huahuacunata yachachic shinami, ñucanchicca cancunataca caishucta chaishucta cunarcanchic, cushichircanchic. Chaitaca cancunallatac yachanguichicmi.

Nuevo Testamento en Quichua Cañar 1996

¹¹ Huahuacunata shuc taita yachachic shinami, ñucanchicpish cancunataca caishucta chaishucta cunashpa cushichircanchic. Chaitaca cancunallatac yachanguichicmi.

1 TESALONICENSES 2:11 ပူးပေါင်းရင်းမြစ်များ

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

SALMOS 34:11

Huahuacunalla, shamushpa uyaichicyari. Mandac Diosta manchanatami yachachigrini.

PROVERBIOS 1:10

Ñuca huahualla, millaita ruhuaccuna inquitacpipish ama uyanguichu.

PROVERBIOS 1:15

Ñuca huahualla, paicunahuanca ama puringuichu. Paicuna purina ñanmantaca anchuringui.

PROVERBIOS 2:1

Ñuca huahualla, ñuca rimashcacunata chasquishpa, ñuca mandashcacunata shungupi huacaichishpa,

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.

PROVERBIOS 6:1

Ñuca huahualla, can maijanpac garante tucushpaca mana ricsishca runapac randimi debiyuc tucushcangui.

PROVERBIOS 7:1

Ñuca huahualla, ñuca yuyaita cushpa rimashcacunata cazushpa causangui. Ñuca mandashcacunataca valishcata shina yuyaipi charingui.

PROVERBIOS 7:24

Cunanca huahuacuna uyaichic. Ñuca yuyaita cushpa rimashcacunataca alli entendichi.

NÚMEROS 27:19

Chai quipaca Eleazar curapacman shinallatac israelcunapac ñaupaman pushamushpa, paicunapac ñaupapi pushachun churai.

SAN LUCAS 16:28

Chaipica pichca huauquicunatami charini. Paicunapish cai ninapi ama llaquita apangapac shamuchun huillachun cachai” nirca.

HECHOS 20:2

Chai llacta criccunata cunashpa cushichishpami, Grecia llactaman chayarca.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

DEUTERONOMIO 3:28

Ashtahuanpish Josueta cushichishpa sinchiyachishpa cachai. Paimi israelcunapac ñaupata rishpa, can ricugricuc llactata cunga” nirca.

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

1 TESALONICENSES 2:7

Ñucanchic Jesuspac apostolcuna cashcamantaca, cancunata mandanchicmanmi carcanchic. Shina cashpapish cuyac shunguhuanmi cancunahuanca carcanchic. Shuc mama huahuacunata cuidashpa charic shinami cancunataca yallita cuyanchic.

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

1 TESALONICENSES 5:11

Chaimanta ima shinami cunan cancuna caticuc shinallatac, caishuc chaishuc-huan alli catina yuyaita cunacushpa, ayudanacushpa causaichic.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

2 TESALONICENSES 2:5

Ñuca cancunahuan cashparac cai shina huillashcataca, ¿manachu cancunaca yuyaringuichic?

2 TESALONICENSES 3:12

Chai shina puriccunataca, Apunchic Jesuspac shutipimi causaipac micunata charingapacca cushicushpa trabajachun nishpa mandanchic.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

1 TIMOTEO 5:7

Paicunata shuccuna ama juchanchichunmi, caicunata yachachishpa mandachun nini.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

1 TIMOTEO 6:2

Maijan serviccuna, cric amocunata charishpaca, “cric amollami” nishpa ama yuyachun, ashtahuanpish cuyashca, cric huauquipacta ruhuacushcamantaca, “ashtahuan allita ruhuashpami cazuna canguichic” nishpami, cunashpa yachachina cangui.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

TITO 2:6

Shinallatac mosocunatapish alli yuyaihuan purichun yachachingui.

TITO 2:9

Amocunata serviccunatapish amocunata cazuchun, amocunahuan mana churarishpa, tucui ima munashcata ruhuachun yachachingui.

HEBREOS 13:22

Cuyashca criccuna, cai ñuca asha quillcashcataca mana piñarishpa chasquichunmi mañani. Caitaca cancuna alli catichunmi quillcani.

3 JUAN 1:4

Ñuca huahuacuna cashcata nic huillashcata uyashpa, alli caticucta yachashpami, tucuimanta yalli cushicuni.