1 TESALONICENSES 2:10 - Dios Rimashcata Quillcashcami

¹⁰ Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.

Nuevo Testamento en Quichua Cañar 1996

¹⁰ Ñucanchic cancunahuan cashpaca, mana juchanchishca cangapacmi, Diospaclla tucushpa, allita causarcanchic. Chaitaca cancunapish yachanguichicmi, shinallatac Taita Diospish yachanmi.

1 TESALONICENSES 2:10 ပူးပေါင်းရင်းမြစ်များ

JEREMÍAS 18:20

Can yallita piñarishcata pasachichun ñuca paicunamanta mañashcataca yuyariyari. Ashtahuanpish paicunaca ñucata enterrana jutcutami allashca. ¿Allita ruhuashcamantaca, mana allitachu ruhuana canga?

NÚMEROS 16:15

Chaimantami Moisesca yallita piñarishpa Mandac Diostaca: —Mandac Dioslla, Ñucaca shuc burrollatapish mana japishcanichu. Paicunapuramanta pitapish mana llaquichishcanichu. Chaimanta paicuna cushca ofrendataca ama chasquichu— nirca.

SAN LUCAS 23:41

Ñucanchicca millaita ruhuashcamantaca llaquita apanatacmi canchic, ashtahuanpish cai runaca ima millaita mana ruhuashcachu— nirca.

HECHOS 20:18

Paicuna chayamucpica, Pabloca: «Asia llactaman chayamushca punzhamanta pacha, ñuca cancunahuan ima shina cashcataca cancunallatac alli yachanguichicmi.

HECHOS 20:26

Chaimantami cunan caita huillasha nini: Maijan cancuna juchallapitac huañucpica, Diosca ñucataca mana juchanchingachu.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 CORINTIOS 11:11

Chashna nishpaca, ¿cancunata mana cuyashcamantachu chashnaca nini? Diosllatacmi ñuca cancunata cuyac cashcataca yachan.

2 CORINTIOS 11:31

Huiñaita “allimari cangui” nina, Apunchic Jesuspac Diosllami, ñuca cashcatatac nicuctaca yachan.

2 CORINTIOS 4:2

Pacallapi pinganayai ruhuanacunata saquishpami, pitapish mana umashpa, Dios rimashca shimitaca mana chagrushpa huillacunchic. Dios rimashca mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.

2 CORINTIOS 7:2

Ñucanchic nishcataca cancunapac shungupi chasquichicyari. Ñucanchicca pitapish ima mana allitaca mana ruhuarcanchicchu. Pitapish mana pandachircanchicchu. Pitapish mana umarcanchicchu.

1 TESALONICENSES 1:5

Ñucanchic cancunaman alli huillaita huillacushpaca, mana rimaillahuanchu yachachircanchic, ashtahuanpish Diospac poderhuan, Espirituhuan, allita yachashpami, cancunapac allipac yachachircanchic.

1 TESALONICENSES 2:5

Chaica ñucanchic huillashpaca, mishqui shimicunahuan mana huillashcanchicchu. Mana jatun tucungaraicu, mana cullquita japingaraicu huillashcanchicchu. Chaitaca cancunapish yachanguichicmi, Diospish yachanmi.

2 TESALONICENSES 3:7

Ñucanchic cancunahuan cashpaca, mana trabajashpa yangaca mana carcanchicchu. Chaitaca cancunaca allimi yachanguichic. Chaimantami cancunapish chai shinallatac causana canguichic.

1 TIMOTEO 4:12

Criccuna canta ricushpa allita causachunca, allita ruhuashpa, sumac shimicunata rimashpa, alli cuyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca piñaric cashcatapish, cric cashcatapish, cuyac cashcatapish,

1 PEDRO 5:3

Cancunaman mingashca criccunataca, ama cancunapac gentecunata shina mandashpa charichicchu, ashtahuanpish alli ruhuashcata ricushpa catichunca, cancunaracmi allita ruhuana canguichic.