1 TESALONICENSES 1:2 - Dios Rimashcata Quillcashcami

² Ñucanchic mañacushpa, tucui cancunata yuyarishpaca, Diosta pagui nishpami mañacunchiclla.

Nuevo Testamento en Quichua Cañar 1996

² Ñucanchic Taita Diosman mañacushpaca, tucui cancunata yuyarishpami, Taita Diostaca pagui nishpa mañacunchiclla.

1 TESALONICENSES 1:2 ပူးပေါင်းရင်းမြစ်များ

ROMANOS 6:17

Cancunaca utcapi jucha mandashca causacushpapish, cunanca Diosmanta yachacushcacunataca tucui shunguhuanmi cazushcanguichic. Chaimantami Diostaca pagui nini.

1 CORINTIOS 1:4

Cristo Jesusmanta Dios cancunata cuyashcamantaca, punzhantami Diostaca pagui nicuni.

COLOSENSES 1:3

Cancunamanta mañacushpaca, ñucanchic Apunchic Jesucristopac Diostami punzhanta pagui nicunchiclla.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

1 TESALONICENSES 3:9

Cancuna chashna caticushcamanta yallita cushicushpaca, ¿ima shinatac Diostaca pagui nishunyari?

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

FILEMÓN 1:4

Diosta mañacushpaca canta yuyarishpami Diostaca pagui nicunilla.