1 SAMUEL 9:21 - Dios Rimashcata Quillcashcami

²¹ Shina nicpimi Saulca: —¿Ñucaca manachu tucui Israel aillupuramanta yalli ashalla cac Benjaminpac aillupura cani? ¿Manachu ñuca huasi ucu familiaca tucui Benjamín aillupuramanta ashtahuan uchilla? ¿Ima nishpatac caitaca ninguiyari?— nirca.

1 SAMUEL 9:21 ပူးပေါင်းရင်းမြစ်များ

SALMOS 68:27

Tucuipac quipa churi Benjaminmi paicunata mandacurca. Judá aillucunata mandaccunapish paicunapac achca gentecunahuanmi chaipi carca. Zabulón, Neftalí aillucunata mandaccunapish chaupimi carca.

SALMOS 68:28

Ñuca Dioslla, ñuca Dioslla cambac fuerzata ricuchi. ¡Dioslla, ñucanchicman can imata ruhuashcataca cutin huillailla!

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.

1 SAMUEL 14:51

Saulpac taita Cispish, Abnerpac taita Nerpish, Abielpac churicunami carca.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

1 SAMUEL 18:18

Shina nicpimi, Davidca Saultaca: —Jatun mandacpac yerno tucungapacca ¿Ñucaca pitac caniyari? ¿Ñuca taitapac familiacunapish, israelpurapica imatac canyari?— nirca.

1 SAMUEL 18:23

Saulta serviccunaca cai nishcacunatami Davidman parlagrirca. Chaita parlacpimi Davidca: —¿Jatun mandacpac yerno tucunaca jahuallachu imatacyari? Ñucaca imatapish mana charic, pipacpish mana ricsishca runami cani— nirca.

1 SAMUEL 9:22

Chai quipami Samuelca Saultaca paita servic runandi micuna huasi ucuman aparca. Chaipimi tucuita yalli ashtahuan alli tiyarinapi tiyachirca. Chaipica quimsa chunga gentecunami carca.