1 SAMUEL 7:17 - Dios Rimashcata Quillcashcami

¹⁷ Chai quipaca Ramá pueblopi cac paipac huasimanmi cutic carca. Paica chai pueblopipish tucui israelcunata mandashpami causarca. Chai pueblollapitacmi Mandac Diosman shuc altartapish ruhuarca.

1 SAMUEL 7:17 ပူးပေါင်းရင်းမြစ်များ

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 35:7

Chaipimi paipac huauquimanta miticushpa ricucpi, Dios ricurirca. Chaimantami chaipi shuc altarta ruhuashpa, chai allpataca El-bet-elta shutichirca.

ISAÍAS 10:29

Ashalla yacuta pasashpami Geba llactapi pacarirca. Ramá llactapi causaccunaca chucchurcami. Saulpac Gabaa llactamantapish miticushpami callparca.

JUECES 4:5

Deboraca paipac palma yura ucupimi tiyac carca. Chai yuraca Efrainpac urcupi cac Ramá, Bet-el pueblocuna tupanacuipimi carca. Chaimanmi israelcunaca imapish llaquita allichichun ric carcacuna.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

1 SAMUEL 1:1

Efraín urcupi cac Ramataim pueblopimi, zufitapuramanta Elcana runa causarca. Elcanaca Jerohampac churimi carca. Jerohamca Eliupac churimi carca. Eliuca Tohupac churimi carca. Tohuca Zufpac churimi carca. Zufca efrateopurami carca.

1 SAMUEL 1:19

Cayandica utca jatarishpami, Mandac Diosta alli nircacuna. Chai quipaca Ramá pueblopi cac paicunapac huasimanmi rirca. Elcanaca paipac huarmi Anapimi chayarirca. Chashna chayaricpimi, Mandac Diosca Ana mañashcata uyarca.

1 SAMUEL 11:15

Shina nicpimi, tucui israelcuna Gilgal puebloman rirca. Chaipimi Mandac Diospac ñaupapi Saultaca jatun mandac cachun churarca. Chai quipami Mandac Dios-huan alli cangapac animalcunata cushpa huañuchirca. Chashna ruhuashpami Saulpish, tucui israelcunapish yallita cushicurca.

1 SAMUEL 14:35

Cutin Saulca Mandac Diosmanmi shuc altarta ruhuarca. Chai altartami Mandac Diosmanca punta ruhuarca.

1 SAMUEL 15:34

Chai quipami Samuelca Ramá puebloman rirca. Shinallatac Saulpish Gabaa pueblopi cac paipac huasiman rirca.

1 SAMUEL 2:11

Chai quipami Elcanaca Ramá pueblopi tiyac paipac huasiman cutirca. Chai huambraca Elí curapac ñaupapimi Mandac Diospacta ruhuangapac saquirirca.

1 SAMUEL 28:3

Samuelca ñami huañushca carca. Tucui israelcunami huacashpa, pai causacushca Ramá pueblollapitac enterrashca carca. Ashtahuanpish Saulca huañushcata mañaccunatapish, adivinocunatapish tucuimi Israel llactamantaca llucchishpa cachashca carca.

1 SAMUEL 8:4

Chaimantami israelcunata mandac yuyaccunaca tucui tandanacushpa Samuelman parlangapac Ramá puebloman rirca.

1 SAMUEL 9:12

Shina tapucpimi, chai solteracunaca: —Ari, utca richiclla, cancunata ñaupashpami ricun. Cunanca gentecuna animalta Diosman cushpa, lomapi huañuchina punzha cacpimi, paica ima ruhuana cashcata ruhuangapac puebloman shamushca, utca richiclla.