1 SAMUEL 5:8 - Dios Rimashcata Quillcashcami

⁸ Chaimantami filisteocunata tucui mandaccunata cayachishpaca: —¿Israelcunapac Diospac Arcataca imatatac ruhuanchic?— nishpa tapurca. Shina nicpimi paicunaca: —Israelcunapac Diospac Arcataca Gat puebloman apachun— nirca. Chaimanmi israelcunapac Diospac Arcataca aparca.

1 SAMUEL 5:8 ပူးပေါင်းရင်းမြစ်များ

1 CRÓNICAS 7:21

Zabad, Sutela, Ezer, shinallatac Eladmi carca. Gat pueblopi huacharishpa causaccunami animalcunata quichungapac shamucpi, Ezerta shinallatac Eladtaca huañuchirca.

AMÓS 6:2

Cancunaca Calne llactaman rishpa ricuichic. Chaimantaca Hamat llactaman richic. Chai quipaca filisteocuna causana Gat llactaman richic. Cancunaca, ¿chai llactacunata yallichu canguichic? ¿Chai llactacunata atishpa, ashtahuan jatun llactapichu causanguichic?

ZACARÍAS 12:3

Chai punzhapica Jerusalentaca muyundi llactacunapi causaccunapac llashac jatun rumi shinatami ruhuasha. Chai rumita alzasha niccunaca tucuimi ñuturinga. Tucui cai pacha llactacunamantami paita llaquichingapac tandanacunga.

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

JOSUÉ 15:11

Chaimantaca jahua ladota rishpaca, Ecrón pueblota rishpa, Sicrón pueblota, Baala urcuta muyushpami Jabneel pueblota pasashpa mama cuchaman chayarca.

1 SAMUEL 17:4

Chashna cacpimi, filisteopuramanta Gat pueblopi causac macanacunata alli yachac Goliat llucshirca. Paica quimsa metro yalli altomi carca.

1 SAMUEL 17:52

Chashna callpacpimi, israelcunapish, Judá llacta gentecunapish caparishpa pugru pambapi tiyac Gat, Ecrón pueblo yaicunacaman filisteocunataca catircacuna. Filisteocuna huañushca cuerpocunaca Saaraim pueblo ñanmantaca Gat Ecrón pueblocunacamanmi siricurca.

1 SAMUEL 29:6

Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.

1 SAMUEL 5:11

Chaimantami filisteocunata tucui mandaccunata cayachishpa tandanacushpaca: «Israelcunapac Diospac Arcata maimanta apamushca pushtullamantac apaichic. Pacta ñucanchicpish, ñucanchic gentecunapish huañunchicman» nirca. Chai pueblopi causaccunaca Diospac poderhuan ashtahuan llaquichishpa yalli huañuchishcamantami mancharirca.

1 SAMUEL 5:7

Chaita ricushpami Asdod pueblopi causaccunaca: «¡Israelcunapac Diospac Arcataca mana caipi charinachu canchic. Paica ñucanchictapish, ñucanchic Dagón diostapish yallitami llaquichicun!» nirca.

1 SAMUEL 6:2

Filisteocunaca curacunatapish, yachaccunatapish cayashpaca: —¿Mandac Diospac Arcataca imatatac ruhuashun? Apamushca pushtullamantac ima shina cachanataca huillaichicyari— nirca.