1 SAMUEL 4:16 - Dios Rimashcata Quillcashcami

¹⁶ Chai runaca Elitaca: —Ñucaca jatun macanacuimanta miticushpa shamuc runami cani. Cunanmi jatun macanacuimanta miticurcani— nirca. Shina nicpimi Elica: —Ñuca huahualla, ¿imatac tucurcayari?— nishpa tapurca.

1 SAMUEL 4:16 ပူးပေါင်းရင်းမြစ်များ

2 SAMUEL 1:4

Shina nicpimi Davidca: —¿Imatac tucushcayari? ¡Chaitaca huillaiyari!— nirca. Shina nicpimi runaca: —Israelcunaca miticushpami rishca. Israelcunamantaca taucami huañushca. Saultapish, paipac churi Jonatantapish huañuchishcami— nirca.

JOSUÉ 7:19

Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.

1 SAMUEL 3:6

Mandac Diosca cutinllatac Samuelta cayashpaca: —¡Samuel!— nirca. Shina cayacpi Samuel jatarishpa Elipacman rishpaca: —Caipimi cani. ¿Imapactac cayangui?— nirca. Shina nicpimi Elica: —Ñuca huahualla, ñucaca mana cayarcanichu. Sueñungapac rilla— nirca.

1 SAMUEL 4:17

Shina tapucpimi, chai runaca: —Filisteocuna macanacushpa mishacpimi, israelcunaca miticushpa callparca. Israelcunapurapica achca huañushcami tiyan. Cambac churicuna, Ofnitapish, Fineastapish huañuchishpami Diospac Arcatapish quichushpa aparcacuna— nirca.