1 SAMUEL 31:8 - Dios Rimashcata Quillcashcami

⁸ Chai cayandi punzha filisteocuna Gilboa urcupi huañushca israelcunapac churanata surcuchingapac rishpaca, Saulpish, paipac quimsa churicunapish Gilboa urcupi huañushca siricuctami tarircacuna.

1 SAMUEL 31:8 ပူးပေါင်းရင်းမြစ်များ

2 SAMUEL 1:20

Gat pueblopi causaccunamanpish, Ascalón pueblo plazapipish, ama parlanguichicchu. Filisteocunapac, circuncisionta mana ruhuashca huarmicuna ama cushicuchun.

2 SAMUEL 1:21

Gilboa urcucunalla, cancunapac jahuapica, tamyapish, garuapish ama urmachun. Diosman cuna ofrendapish ama pucuchun. Chai urcupimi sinchi runacunapac, escudoca sarushca carca. Saulpac escudopish aceitehuan mana cahuishca shinami tucurca.

1 CRÓNICAS 10:8

Cayandi punzha filisteocuna huañushcacunapac churanacunata llucchichingapac rishpami Saulpish, paipac quimsa churicunapish Gilboa urcupi huañushcata tarircacuna.

2 CRÓNICAS 20:25

Josafatca paipac soldadocunahuanmi huañushcacuna ima charishcata japingapac shamurca. Shina shamushpaca, achca churanacunata, imapish ashtahuan valishca sumaccunatami japirca. Macanacuipi quichushca achca cacpi, mana apai pudishpami, quimsa punzhacaman tandachicurca.

1 SAMUEL 28:4

Shina cacpimi, filisteocunaca Sunem puebloman shamushpa, carpa huasicunata shayachishpa tiyarirca. Shinallatac Saulpish tucui israelcunata tandachishpami, Gilboa urcupi carpa huasicunata shayachishpa tiyarirca.

1 SAMUEL 31:7

Pugru pamba chimba ladopi causac, Jordán yacu chimba ladopi causac israelcunapish, Israel soldadocuna miticushpa rishcata, Saulpish, paipac churicunapish huañushcata yachac chayashpami, paicuna causacuc pueblocunata saquishpa, miticushpa rircacuna. Chaimantami filisteocunaca chai pueblocunaman shamushpa, chaipi causarcacuna.

1 SAMUEL 31:9

Chashna filisteocuna tarishpami, paipac umata pitishpa, paipac macanacunatapish japishpa huillaccunata tucui llactacunapi, paicunapac dioscunata yuyarina huasicunapi huillachun cacharcacuna.