1 SAMUEL 31:6 - Dios Rimashcata Quillcashcami

⁶ Chai punzhami Saulpish, paipac quimsa churicunapish, paipac escudota apac runapish, paihuan puric tucui gentecunapish huañurca.

1 SAMUEL 31:6 ပူးပေါင်းရင်းမြစ်များ

2 SAMUEL 1:1

Saúl huañushca quipa amalecitacunahuan macanacushpa cutishca quipaca Davidca ishcai punzhatami Siclag pueblopi carca.

2 SAMUEL 1:12

Saulmantapish, paipac churi Jonatanmantapish, Dios acllashca gentecunamantapish, Israel aillucunamantapish espadahuan huañuchishca cashcamantami tutayangacaman mana micushpa, yallita llaquirishpa huacarcacuna.

1 CRÓNICAS 10:6

Chashnami Saulpish, paipac quimsa churicunapish, paihuan cac tucui familiapish paihuan pacta huañurca.

JUECES 9:54

Chaimantami Abimelecca paipac escudota apac soldadota utca cayashpaca: «Ñucataca: “Shuc huarmillami huañuchirca” ama nichuncuna, cambac espadata llucchi ñucata huañuchi» nirca. Shina nicpimi, escudota apac soldado huashaman pasacta espadata saticpi paica huañurca.

1 SAMUEL 11:15

Shina nicpimi, tucui israelcuna Gilgal puebloman rirca. Chaipimi Mandac Diospac ñaupapi Saultaca jatun mandac cachun churarca. Chai quipami Mandac Dios-huan alli cangapac animalcunata cushpa huañuchirca. Chashna ruhuashpami Saulpish, tucui israelcunapish yallita cushicurca.

1 SAMUEL 12:17

Cunanca mana tamya punzhacunachu, ashtahuanpish trigota cosechana punzhacunami. Shina cacpipish, ñucaca Mandac Dios tamyachichunmi mañagrini. Paica relampatapish, tamyatapish yallitami cachanga. Chaita ricushpami, cancunaca shuctac jatun mandacta munanchic nishpa Mandac Diospac ñaupapi yalli mana allita ruhuashcata yachanguichic— nirca.

1 SAMUEL 12:25

Ashtahuanpish mana allita ruhuashpa catishpaca cancunapish, cancunata jatun mandacpish huañunguichicmi— nirca.

1 SAMUEL 26:10

Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!

1 SAMUEL 28:19

Shinallatac Mandac Diosca israelcunatapish, cantapish filisteocunapac maquipimi churanga. Shina churacpimi, cayaca canpish, cambac churicunapish ñucahuan canguichic. Mandac Diosca Israel soldadocunatapish filisteocunapac maquipimi churanga— nirca.

1 SAMUEL 31:5

Chai escudota apac runa Saúl huañushcata ricushpami, paipac espadallatatac japishpa, Saulhuan pacta huañurca.

1 SAMUEL 31:7

Pugru pamba chimba ladopi causac, Jordán yacu chimba ladopi causac israelcunapish, Israel soldadocuna miticushpa rishcata, Saulpish, paipac churicunapish huañushcata yachac chayashpami, paicuna causacuc pueblocunata saquishpa, miticushpa rircacuna. Chaimantami filisteocunaca chai pueblocunaman shamushpa, chaipi causarcacuna.