1 SAMUEL 30:7 - Dios Rimashcata Quillcashcami

⁷ Chaipimi Davidca Ahimelecpac churi Abiatar curataca: —Efodta ñucaman apamushpa cui— nirca. Shina nicpimi, Abiatarca Davidman efodta apamurca.

1 SAMUEL 30:7 ပူးပေါင်းရင်းမြစ်များ

1 REYES 2:26

Chai quipami Jatun mandacca Abiatar curataca: «Canca caimanta llucshishpa, Anatot pueblopi tiyac cambac cachun cushca allpaman ri. Canpish, huañunami cangui. Shina cacpipish, cantaca cunanca mana huañuchigrinichu. Canmi Diospac Arcata, ñuca taitapac ñaupapi apashpa purircangui. Shinallatac ñuca taita llaquita apacpipish, canpish llaquita aparcanguimi» nirca.

ÉXODO 28:6

Efodtaca curimanta ruhuashpami, azul, morado sani puca puchcahuan, lino puchcahuanmi sumacta bordashpa ruhuanga.

MARCOS 2:26

Abiatar curacunata mandacui punzhapimi, Davidca Diosta mañana huasiman yaicushpa, Diosman cushca tandacunata paihuan puriccunahuan micurca. Chai tandataca pipish mana micunallachu carca, curacunallami micuna carca— nirca.

1 SAMUEL 10:22

Chaimantami Saúl chayamushcata yachangapac Mandac Diostaca: —¿Chai runaca ñachu caiman shamurca?— nishpa tapurca. Shina nicpimi, Mandac Diosca: —Riquichic, paica macanacungapac tucui apamushca chaupipimi miticushca can— nirca.

1 SAMUEL 14:18

Shina cacpimi, Saulca Ahías curataca: «¡Diospac Arcata caiman apamui!» nirca. Chai punzhacunaca Diospac Arcataca israelcunami charicurca.

1 SAMUEL 14:19

Saúl Ahías curahuan parlacucllapitacmi filisteocunapac carpa huasicunapica ashtahuan caparinacui uyarirca. Chaimantami Saulca chai curataca: —¡Ña ama apamuichu!— nirca.