1 SAMUEL 30:6 - Dios Rimashcata Quillcashcami

⁶ Davidtaca tucui gentecunami paicunapac huarmicunata, churicunata, ushicunata prezu apashcamanta, paicunapac shungupi yallita piñarishpa, rumicunahuan shitashun nicurca. Davidca yallitami llaquilla carca, shina cashpapish Mandac Diospi shunguta churashpami sinchiyarca.

1 SAMUEL 30:6 ပူးပေါင်းရင်းမြစ်များ

GÉNESIS 32:7

Chaita uyashpami, Jacoboca munai manchaihuan llaquirishpa, paipac runacunataca vacacunandi, ovejacunandi, camellocunandi ishcaipi chicanyachirca.

2 SAMUEL 17:8

Husaica caitapish nircami: —Cambac taitapish, paipac runacunapish sinchi cashcataca canllatac yachanguimi. Cunancarin huahuacunata quichucpi, mama oso piñaric shinami canga. Chai jahuapi cambac taitaca macanacunata alli yachacmi. Chaimanta mana cunan tutaca gentecunahuan chaipi pacaricungachu.

2 REYES 4:27

Chai urcupi Diospac runapacman chayashpami, paipac chaquita ucllarirca. Chashna ucllaricpimi, Giezica anchuchingapac japirirca. Chashna japiricpimi, Diospac runaca: —Saquilla, paipac shungupica jatun llaquihuanmi. Diosmi paipac llaquitaca pacashpa, mana huillashca— nirca.

JOB 13:15

Dios ñucata huañuchicpipish, paillapimi shunguta churashpa shuyasha. Ñuca ima shina cashcataca paipac ñaupapimi ricuchisha.

SALMOS 116:10

Ñucaca yalli llaquihuan cashpami crishpa cashna rimarcani.

SALMOS 138:3

Ñuca caparishpa mañacpica uyarcanguimi. Ñuca almata sinchiyachishpami jatarichircangui.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 18:6

Llaquihuan cashpaca Mandac Diostami caparishpa mañarcani. Ñuca mañashcataca paipac huasimantami uyarca. Ñuca caparishcaca paipac ringrimanmi uyarirca

SALMOS 25:17

Ñuca shungupica llaquicunaca yallitami mirashca. Chai llaquimanta llucchiyari.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

SALMOS 31:24

Mandac Diosta shuyaccunaca ashtahuan sinchiyaichiclla. Cancunapac shungupica samaita aisac shina sinchiyaichiclla.

SALMOS 42:11

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Chaimanta paita shuyailla. ¡Paica ñuca Diosmi ñuca quishpichicmi!

SALMOS 42:5

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Paita shuyailla. ¡Paica ñuca Diosmi, ñuca quishpichicmi!

SALMOS 42:7

Yacuca urcucuna catichictami huaj nishpami shamucun. Can cachashca yacucuna jatarishpami ñuca jahuata pasacun.

SALMOS 56:11

Can Diospimi shunguta churani. Runa imata ruhuanamantaca mana manchanichu.

SALMOS 62:1

Diosllami ñuca almataca samachin. Paillami ñucataca quishpichin.

SALMOS 62:5

Ñuca almaca Diosllahuanmi samarin. Paillatami shuyacuni.

SALMOS 71:4

Ñuca Dioslla, canta mana manchaccunapac maquimanta, millaicunapac maquimanta, llaquichiccunapac maquimanta quishpichiyari.

SALMOS 71:5

Mandac Dioslla, canmi ñuca shuyanapish, ñucata huambramanta pacha cuidacpish cangui.

ÉXODO 17:4

Moisés Mandac Diosta mañashpaca: —Cai gentecunahuanca, ¿imatatac ruhuashayari? Ñucataca ñallami rumihuan shitagrin— nirca.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JONÁS 2:2

mañashpaca: «Ñuca llaquihuan cashpa, Mandac Dios canta mañacpica, uyarcanguimi. Seolmanta caparishpa mañacpica, ñuca mañashcata uyarcanguimi.

NÚMEROS 14:10

Ashtahuanpish israelcunaca rumihuan shitanatami munarca. Chaimantami Dios-huan tupana huasipi pai sumaimana achiclla cashcaca tucui israelcunaman ricurirca.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN MATEO 27:22

Chaimantami Pilatoca: —Shinashpaca, Cristo nishca Jesustaca, ¿imatatac ruhuachun ninguichic?— nirca. Shina nicpimi, tucui paicunaca: —¡Paitaca chacatailla!— nircacuna.

SAN JUAN 8:59

Shina nicpimi, paicunaca rumihuan shitangapac rumicunata japircacuna. Ashtahuanpish Jesusca miticushpami, Diosta mañana huasimanta llucshishpa rirca.

ROMANOS 4:18

Dios Abrahamta: «Cambac huahua huahuacunaca achcami canga» nishcamantami Abrahamca maita mana huahuata charipac cashpapish, tauca llactacunapac taita tucurca. Chaitaca Abrahamca crishpami shuyarca.

ROMANOS 4:20

Dios cusha nishcataca chasquina yuyaillami carca. Chashnami Diosta “allimari cangui” nishpa, crishpa shuyacurca.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

2 CORINTIOS 1:6

Cancuna quishpirishpa, cushicuita japichunmi ñucanchicca llaquita apanchic. Ñucanchicta cushichishcaca, cancunapish mana manchashpa, cuyac shunguhuan llaquita apachunmi, cushicuita cun.

2 CORINTIOS 4:8

Ima llaquicuna japishpapish, mana atishcachu. Llaquihuan cashpapish, mana chai yuyailla puricunchicchu.

2 CORINTIOS 7:5

Macedonia llactaman chayamushpaca imata mana samarircanchicchu, ashtahuanpish llaquicunahuanmi maipipish carcanchic. Canzhapica mana ricunayachic gentecunami llaquichirca, ñucanchic shungupica manchaimi llaquichicurca.

HEBREOS 13:6

Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.

JUECES 18:25

Shina nicpi, Danpac aillucunaca: —¡Caitaca ñucanchicpurapi mana ninachu canguichic! Upalla cai. Pacta ñucanchicpuramanta maijan yallita piñarishpa cantapish, cambac familiacunatapish tucuchinman— nirca.

JUECES 20:22

Shina cacpipish, israelcunaca cariyashpami utcapi macanacungapac allichirishca pushtullapitac allichirirca.

1 SAMUEL 1:10

Chaipimi Anaca tucui almahuan llaquirishpa yallita huacashpa Mandac Diosta mañarca.

1 SAMUEL 23:16

Chaita yachashpami, Saulpac churi Jonatanca Hores pambapi Davidta ricungapac rirca. Diospi yuyaita churashpa ashtahuan sinchiyachun nishpami,

1 SAMUEL 28:15

Chaipimi Samuelca Saultaca: —¿Imapactac ñucata huichai cayashpa piñachingui?— nirca. Shina nicpimi Saulca: —Filisteocunami ñucata piñashpa macanacungapac shamushca. Diospish ñucamantaca anchurishcami. Chaimantami ñucaca yalli llaquiricuni. Ñuca tapushcataca Diosca muscuipipish, pai ima nishcata huillaccunamanpish imata mana huillanchu. Chaimantami ñuca ima ruhuanata huillachun cantaca cayarcani— nirca.