1 SAMUEL 30:12 - Dios Rimashcata Quillcashcami

¹² Shinallatac higo chaquishcamanta ruhuashca asha tandatapish, shinallatac chaquishca ishcai caspa uvastapish cararcami. Ña chaita micushca quipami paica sinchiyarca. Paica quimsa punzha, quimsa tutatami mana micushca, yacutapish mana ubiashca carca.

1 SAMUEL 30:12 ပူးပေါင်းရင်းမြစ်များ

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

LAMENTACIONES 1:11

Tucui gentecunami huacashpa micunata mashcashpa purincuna. Yarcaihuan mana huañungapacmi paicunapac sumac charishcacunata micunahuan cambiarca. Chaimantami: “¡Mandac Dioslla, ñucanchicta mana ricunayachishpa, llaquichiccunata ricuiyari!” nicun.

JONÁS 1:17

Ashtahuanpish Mandac Diosca Jonasta micuchunca, shuc jatun challuatami cacharca. Jonasca chai challuapac huicsa ucupimi quimsa punzha, quimsa tuta carca.

SAN MATEO 27:63

Chaiman rishpaca: —Jatun mandaclla. Cai llullac runa causacushpa: “Quimsa punzhapica causarishami” nishcatami yuyarinchic.

JUECES 15:19

Chaimantami Diosca chai Lehi pambapi tiyac pugrupi yacuta llucchirca. Chai yacuta ubiashpami Sansonca cutin sinchiyarca. Chaimantami chai yacu tiyac pushtutaca En-hacoreta shutichirca. Chai yacuca cunancamanmi tiyan.

1 SAMUEL 14:27

Ashtahuanpish Jonatanca paipac taita tucui gentecunata ama micunguichicchu nishpa ari nichishcataca mana uyashcachu carca. Chaimantami pai charicushca caspi puntata chai mishqui harneropi satishpa micushpa sinchiyarca.

1 SAMUEL 30:11

Pambapi Egipto llactamanta shuc runata tarishpami Davidpacman pusharcacuna. Chai runamanca tandatapish micuchun yacutapish ubiachunmi curcacuna.

1 SAMUEL 30:13

Chai quipami Davidca: —¿Pipac servictac cangui? ¿Maimantatac cangui?— nirca. Shina nicpimi, Egipto runaca: —Ñucaca amalecitacunapuramanta shuc runata servicmi cani. Ñuca ungucpimi, amoca caipi shitashpa rirca. Quimsa punzhatami caipi cani.