1 SAMUEL 3:20 - Dios Rimashcata Quillcashcami

²⁰ Tucui israelcunami Dan pueblopi causaccunamanta callarishpa Beerseba pueblopi causaccunacaman Samueltaca Mandac Dios ima nishcata huillashpa alli pactachic cacta yacharca.

1 SAMUEL 3:20 ပူးပေါင်းရင်းမြစ်များ

2 SAMUEL 17:11

Ñucaca Dan pueblomanta callarishpa, Beerseba pueblopi causaccunacaman tucui israelcunata tandachishpa, mama cucha tiyu shina achcata pushashpa canllatac macanacungapac llucshichunmi yuyaita cuni.

2 SAMUEL 3:10

Israel llactatapish, Judá llactatapish mandanata Saulpac huasi ucupuramanta quichushpa, Dan llactamanta callarishpa Beerseba llactacaman David mandachun— nirca.

1 REYES 4:25

Salomón causai punzhacunapica Judá llactapi, Israel llactapi causaccunaca Dan pueblomanta Beerseba pueblocamanmi, uvas chagrayuc, higo chagrayuc alli causarcacuna.

EZEQUIEL 33:33

Tucui cai huillashcami pactagrin. Shina pactacpimi, paicunapurapi Dios ima nishcata huillac tiyashcata yachangacuna» nirca.

AMÓS 2:11

Ñucami cancunapac churicunapuramanta ñuca ima nishcata huillacta, cutin cancunapac quipa huiñaimantaca nazareo runacuna cachun acllarcani. Israelcunalla, ¿manachu caica chashna?

HECHOS 13:20

Chai quipaca, chuscu patsac pichca chunga huatatami, Dios ima nishcata huillac Samuel mandacui punzhacaman, alli mandaccunata churarca.

DEUTERONOMIO 18:21

Cambac shungupica: “¿Ima shinatac Mandac Dios mana huillachishcataca yachashunyari?” ninguichicmi.

1 TIMOTEO 1:12

Ñucata sinchiyachishcamanta, ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

1 SAMUEL 12:11

Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.