1 SAMUEL 3:19 - Dios Rimashcata Quillcashcami

¹⁹ Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.

1 SAMUEL 3:19 ပူးပေါင်းရင်းမြစ်များ

GÉNESIS 21:22

Chai huatacunallatacmi jatun mandac Abimelecca paipac soldadocunata mandac Ficolhuan shamushpa Abrahamtaca: —Tucui imata ruhuanapipish Diosca canhuanmi.

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

GÉNESIS 39:3

Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

1 REYES 8:56

«¡Mandac Diosca alli nishca cachun! Paica paita servic Moisesta huillachun mandashca shinallatacmi tucui imata cusha nishcataca shuc rimashcallatapish mana cungarishpa, tucui pactachishca.

2 REYES 10:10

Mandac Dios Acabpac huasi ucupurata tucuchishami nishcaca mana pambapi urmashca shina yanga canchu. Mandac Diosmi paita servic Eliasta huillachishcata pactachishca. Chaitaca yuyarinami canguichic» nirca.

2 REYES 15:12

Mandac Dios Jehuta rimashpaca: «Cambac huahuacunami chuscu miranacuicaman Israel llactata mandanapi tiyaringa» nirca. Chaica chashnami tucurca.

2 REYES 22:16

Mandac Diosca: ‘Riqui, ñucami cai llactamanpish, cai llactapi causaccunapac jahuamanpish jatun llaquita cachagrini. Judá llactata jatun mandacpac ñaupapi rezashca libropi nishca shinami tucui llaquicunata cachasha.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

ISAÍAS 55:11

Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN LUCAS 1:28

María maipi cashcaman ángel yaicushpaca: —María, Dios canhuan cashcamanta cushicui. Canca tucui huarmicunamanta yalli, alli nishcami cangui— nirca.

SAN LUCAS 1:80

Chai huahuaca huiñashpami Diosmanta ashtahuan yachacushpa, israelcunaman huillana punzha pactangacaman shitashca pambapi causarca.

SAN LUCAS 2:40

Huahuaca huiñashpa, sinchiyashpa, ashtahuan yachac tucushpami catirca. Diosca yallitami paita cuyarca.

SAN LUCAS 2:52

Jesusca huiñashpa, ashtahuan yachac tucushpami catirca. Diospacpish, gentecunapacpish cuyashcami carca.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa catichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc, cuyac Diosca cancunahuan canga.

2 CORINTIOS 13:14

Apunchic Jesucristo sumac cuyaita cucpi, Dios cuyacpi, shinallatac Diospac Espíritu shuc shinallatac ruhuacpi, cushilla causachunmi munani.

DEUTERONOMIO 18:22

Chai huillac Mandac Diospac shutipi huillashcapish mana pactacpi, pai nishca shina mana tucucpica, pai huillashcaca mana Mandac Dios huillachishcachu canga. Chai huillacca pai jatun tucungapacllami huillanga. Chaimanta paitaca ama manchanguichicchu.

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

JOSUÉ 21:45

Mandac Dios israelcunaman allita ruhuasha nishcataca shuc rimaillatapish mana saquishpami tucui pactachirca.

JUECES 13:24

Chai huarmica shuc cari huahuata sajuarishpami, chai huahuataca Sansonta shutichirca. Chai huahua huiñacpimi, Mandac Diosca bendiciarca.

1 SAMUEL 10:7

Ñuca huillashcacuna chashnatac pactacpica, can imata ruhuasha nishcata ruhuailla. Diosca canhuanmi canga.

1 SAMUEL 12:2

Riquichic, cunanca cai jatun mandacmi cancunapac ñaupata ringa. Ñucaca ña yuyac, yurac accha jundami cani. Shina cacpipish, ñuca churicunaca cancunahuanmi. Ñucaca huambramanta pacha cunan punzhacamanmi cancunataca pushacushcani.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 18:12

Mandac Dios paimanta anchurishpa Davidhuan cacta yachashpami Saulca mancharca.

1 SAMUEL 18:14

Davidca Mandac Dios paihuan cacpimi, ima ruhuanapipish allita ruhuac carca.

1 SAMUEL 18:5

Davidca Saúl maiman cachacpipish ricllami carca. Shinallatac tucui chaicunapica allitami ruhuac carca. Chaimantami Saulca soldadocunata mandac cachun churarca. Davidca tucui gentecunapac ñaupapipish, Saulta serviccunapac ñaupapipish allimi ricurirca.

1 SAMUEL 2:21

Anaman Mandac Dios allicunata cucpimi, huicsayuc tucushpa quimsa cari huahuata, ishcai huarmi huahuata charirca. Samuel huambraca Mandac Diospac ñaupapimi huiñarca.

1 SAMUEL 2:26

Ashtahuanpish Samuel huambraca ashtahuanmi huiñarca. Paica Diospac ñaupapipish, runacunapac ñaupapipish alli nishcami carca.

1 SAMUEL 9:6

Shina nicpimi, chai runaca: —Riqui, cai pueblopica Diospaclla cac runami tiyan. Paitaca tucuimi alli nincuna. Pai ima nishcaca chashnatacmi pactanlla. Chashna cashcamanta paiman tapungapac jacu. Ñucanchic maita rishpa mashcanatapish huillangapishchari— nirca.