1 SAMUEL 29:6 - Dios Rimashcata Quillcashcami

⁶ Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.

1 SAMUEL 29:6 ပူးပေါင်းရင်းမြစ်များ

GÉNESIS 16:6

Shina nicpi, Abramca Saraitaca: —Riqui, canta servic huarmica cambac maquillapitacmi. Can imata ruhuasha nishpaca, cambac allipac ruhuailla— nirca. Agarca Sarai sinchita llaquichicpimi, paipac ñaupamanta miticushpa rirca.

2 SAMUEL 3:25

Nerpac churi Abnertaca canllatac ricsinguimi. Paica canta umangapac, can maiman rictapish, maimanta shamuctapish, tucui can imata ruhuac cashcata yachangapacmi shamushca canga— nirca.

2 REYES 19:27

Can ima shina cashcata, can imata ruhuacushcata, ñucahuan yallita piñarishcatapish tucuimi yachani.

SALMOS 121:8

Can yaicucpipish, llucshicpipish Mandac Diosmi cuidanga. Cunanmanta huiñaicamanmi cuidanga.

ISAÍAS 37:28

Can ima shina cactaca tucuitami yachani. Can maiman llucshictapish, cutictapish, can ñucata yallita piñarishcatapish yachanimi.

ISAÍAS 65:16

Maijanpish cai pachapi bendicionta mañashpaca, cashcata nic Diosmantami japinga. Maijanpish cai pachapi ari nicca cashcata nic Diosmantami ari ninga. Utcapi tiyashca llaquica illangami. Ñuca ñaupapica mana ashtahuan ricuringachu.

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

NÚMEROS 27:17

Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

JOSUÉ 22:30

Rubenpac, Gadpac aillucuna, Manasespac chaupi aillu nishcata Fineespish, tandanacushca israelcunata mandaccunapish, huaranga huaranga israelcunata mandaccunapish allimi nirca.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.

1 SAMUEL 28:10

Shina nicpimi Saulca: —¡Mandac Diospac shutipimi nini: Can caita ruhuashcamantaca ima llaquipish mana japingachu!— nishpa Mandac Diospac shutipi ari nirca.

1 SAMUEL 29:3

Chaita ricushpami, filisteocunata mandaccunaca: —¿Cai hebreocunaca imatatac caipica ruhuacuncuna?— nirca. Shina tapucpimi, Aquisca filisteocunata mandaccunataca: —Paica Israel llactata jatun mandac Saulta servic Davidmari. Paica tauca punzhacunata, huatacunatami ñucahuan causarca. Ashtahuanpish paica ñucapacman shamushca punzhamanta pacha, cunan punzhacaman ima mana allitaca mana ruhuashcachu— nirca.

1 SAMUEL 29:7

Shina cashcamanta filisteocunata mandaccunata ama ashtahuan piñachingapac, mana piñarishpa sumacta cutilla— nirca.

1 SAMUEL 5:8

Chaimantami filisteocunata tucui mandaccunata cayachishpaca: —¿Israelcunapac Diospac Arcataca imatatac ruhuanchic?— nishpa tapurca. Shina nicpimi paicunaca: —Israelcunapac Diospac Arcataca Gat puebloman apachun— nirca. Chaimanmi israelcunapac Diospac Arcataca aparca.