1 SAMUEL 29:4 - Dios Rimashcata Quillcashcami

⁴ Shina nicpimi, filisteocunata mandaccuna yallita piñarishpa Aquistaca: —Cai runa ñucanchic-huan macanacuiman richunca mana munanchicchu. Maipi cashcallamantac cutichishpa cachai. Pacta macanacuipi ñucanchicta piñaccunahuan tucunman. Cai filisteo runacunapac umacunata apashpa, paita mandacpac ñaupapi alli ricurigrinman.

1 SAMUEL 29:4 ပူးပေါင်းရင်းမြစ်များ

1 CRÓNICAS 12:19

David Filisteocunahuan tandarishpa Saulhuan macanacungapac ricpi Manasespac huahua huahuapuramanta ric maijancunapish Davidhuanmi tandanacurca. (Filisteocunata mandaccuna: «Davidca ñucanchicta huañuchishpami paipac amo Saulpac parte tucunga» nishcamantami mana ayudarca.)

1 CRÓNICAS 12:20

Siclag pueblopi causangapac David shamucpimi, Manasespuramantaca: Adnas, Jozabad, Jediaiel, Micael, Jozabad, Eliú, shinallatac Ziletai Davidhuan tandanacurca. Paicunaca Manasespac huahua huahua huaranga huaranga soldadocunata mandaccunami carca.

ÉXODO 1:10

Paicuna ama yalli mirarichunca, allita yuyarishpa imata ruhuanami canchic. Paicunaca ñucanchic macanacucucpi, ñucanchicta piñaccunahuan tucushpa, ñucanchicta atishpa, ringacunallami» nirca.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

1 SAMUEL 14:21

Utcapi filisteocunahuan causac caishuc israelcunapish israelcunahuan macanacungapacmi filisteocunapac carpa huasicunaman shamurca. Paicuna filisteocunahuan causaccuna cashpapish Saulhuan, Jonatanhuan cac israelcuna partemi tucurcacuna.

1 SAMUEL 27:6

Shina mañacpimi, Aquisca chai punzhallatac Siclag pueblota curca. Chaimantami Siclag puebloca cunancaman Judá llactata jatun mandaccunapac tucushca.

1 SAMUEL 29:9

Shina nicpimi, Aquisca Davidtaca: —Canca ñuca ñaupapica Diospac ángel shina, alli cactami ricuni. Ashtahuanpish filisteocunata mandaccunami: “Paica cai macanacuiman manatac ñucanchic-huan ringachu” nincuna.

1 SAMUEL 30:1

Davidca quimsa punzha quipami paipac runacunandi Siclag puebloman chayarca. Chaiman chayacpica, amalecitacunami shitashca pamba Neguevta rishpa, Siclag puebloman yaicushpa ninata japichishpa tucuchishca carca.