1 SAMUEL 29:3 - Dios Rimashcata Quillcashcami

³ Chaita ricushpami, filisteocunata mandaccunaca: —¿Cai hebreocunaca imatatac caipica ruhuacuncuna?— nirca. Shina tapucpimi, Aquisca filisteocunata mandaccunataca: —Paica Israel llactata jatun mandac Saulta servic Davidmari. Paica tauca punzhacunata, huatacunatami ñucahuan causarca. Ashtahuanpish paica ñucapacman shamushca punzhamanta pacha, cunan punzhacaman ima mana allitaca mana ruhuashcachu— nirca.

1 SAMUEL 29:3 ပူးပေါင်းရင်းမြစ်များ

GÉNESIS 14:13

Chai macanacuimanta miticushpa shamuc shuc runami Lotta prezushcata hebreopuramanta Abramman huillac shamurca. Abramca amorreopuramanta Mamrepac encina yuracuna tiyac pambapimi causarca. Mamreca Escolpac, Anerpac huauquimi carca. Paicunaca Abrampac yuyaitami charirca.

1 CRÓNICAS 12:19

David Filisteocunahuan tandarishpa Saulhuan macanacungapac ricpi Manasespac huahua huahuapuramanta ric maijancunapish Davidhuanmi tandanacurca. (Filisteocunata mandaccuna: «Davidca ñucanchicta huañuchishpami paipac amo Saulpac parte tucunga» nishcamantami mana ayudarca.)

1 CRÓNICAS 12:20

Siclag pueblopi causangapac David shamucpimi, Manasespuramantaca: Adnas, Jozabad, Jediaiel, Micael, Jozabad, Eliú, shinallatac Ziletai Davidhuan tandanacurca. Paicunaca Manasespac huahua huahua huaranga huaranga soldadocunata mandaccunami carca.

DANIEL 6:5

Chaimantami chai mandaccunaca: «Cai Danieltaca ima shina mana juchanchi pudishunchu. Ashtahuanpish paipac Dios mandashcacunallahuantac juchanchishunchic» nirca.

SAN JUAN 19:6

Chaita curacunata mandac curacunapish, Diosta mañana huasita cuidaccunapish ricushpaca: —¡Paitaca chacatailla, chacatailla!— nishpami caparircacuna. Shina caparicpimi Pilatoca: —Ñucaca paipica ima juchata mana tarinichu. Cancunallatac apashpa chacatagrichic— nirca.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

1 SAMUEL 14:11

Ishcaitacmi filisteo soldadocunapac ñahuipi ricurirca. Chashna ricuricpimi filisteocunaca: «¡Riquichic, israelcunami miticushpa tiyacushca jutcumanta llucshicuncuna!» nirca.

1 SAMUEL 25:28

Canta servic ñuca piñachishcataca perdonai. Mandac Diosllatacmi can ñucata mandacmanca huiñaita mandanata cunga. Ñuca amomi Mandac Diosmanta macanacucun. Cambac tucui causaipi ima mana allica canpica mana tiyangachu.

1 SAMUEL 27:1

Chai quipami Davidca paipac shungupica: «Ima punzha cashpapish Saulca huañuchingami. Chaimanta ama ashtahuan ñucata cai Israel llactapi mashcashpa puricuchunca, Filisteocunapac llactapi miticungapac risha. Shina rishpami, paipac maquimantaca quishpirisha» nishpa yuyarca.

1 SAMUEL 27:7

Filisteocunapac llactapi Davidca shuc huata chuscu quillatami causarca.

1 SAMUEL 29:6

Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.

1 SAMUEL 4:6

Chashna sinchita caparicta filisteocuna uyashpaca: «¿Hebreocunapac carpa huasicunapica, ima nishpatac chashna yallita cushicushpa caparicuncuna?» nirca. Mandac Diospac Arca carpa huasicunaman apamushcata