1 SAMUEL 28:8 - Dios Rimashcata Quillcashcami

⁸ Shina nicpimi, Saulca ama ricsichun shuctac churanata churarishpa, ishcai runacunata pushashpa, chai huarmipacman tuta rirca. Chaiman tuta chayashpaca: —Ñuca ima tucunata cambac espirituman tapushpa cui. Shinallatac ñuca maijanta huichai shamuchun nicpi, pushamuchun mañashpa cui— nirca.

1 SAMUEL 28:8 ပူးပေါင်းရင်းမြစ်များ

1 REYES 22:30

Chaipimi Israel llactata jatun mandacca Josafattaca: «Ñucaca shuctac churanata churarishpami, macanacungapac risha. Canca cambac churanata churarishpa ri» nirca.

1 REYES 22:34

Ashtahuanpish shuc soldadomi arcohuan pucllashpalla shitashpa Israel llactata jatun mandactaca macanacungapac sinchi churanata churarishcata pasachishpa chugrichirca. Chaimantami paica carretata apactaca: «¡Carretata muyuchishpa, cai macanacuimanta llucchi. Ñucaca chugrishcami cani!» nirca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

2 CRÓNICAS 18:29

Chaipimi Israel llactata jatun mandacca Josafattaca: —Ñucaca shuctac churanata churarishpami macanacungapac risha. Canca mandaccuna churarina cambac churanallatatac churarishpa ri— nirca. Chashnami Israel llactata jatun mandacca shuc churanata churarishpa macanacuiman yaicurca.

2 CRÓNICAS 35:22

Necaoca Mandac Dios nishcatami huillarca. Ashtahuanpish Josiasca chai nishcata mana cazushpami shuc churanata churarishpa, paihuan macanacungapac rirca. Josiasca Meguido pambapimi macanacungapac rirca.

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

EZEQUIEL 12:6

Paicuna ricucucpi, quipita apashpa amsayanata llucshingui. Llactata mana ricungapacca ñahuita taparingui. Cantaca israelcunapac jatun llaqui shamuna cashcata ricuchichunmi churarcani» nirca.

SAN JUAN 3:19

Paicunapac mana alli ruhuacushcacuna ama ricurichunmi Achicyachic shamucpica, mana munashpa amsapi causanallata ashtahuan munarca. Chaimantami juchanchishca canga.