1 SAMUEL 28:7 - Dios Rimashcata Quillcashcami

⁷ Chaimantami Saulca paita serviccunataca: —Ñuca tapungapac ringapac huañushcata mañac huarmita mashcagrichic— nirca. Shina nicpimi, paita serviccunaca: —Riqui, Endor pueblopimi huañushcata mañac shuc huarmi causan— nirca.

1 SAMUEL 28:7 ပူးပေါင်းရင်းမြစ်များ

2 REYES 6:33

Eliseo paicunahuan chashna parlacucpimi, Eliseopacman huillac runa chayashpaca: “¡Mana llullashpami nini! Cai llaquicunaca Mandac Diosmantami shamun. Shina cashpaca, ¿imatatac Mandac Diosmantaca shuyashayari?” nirca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

SALMOS 83:10

Paicunaca Endor pueblopi huañushpami, allpapi shitana huanu shina tucurcacuna.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

LEVÍTICO 19:31

Huañushcapac almacunamanpish, adivinacmanpish ama tapunguichicchu. Chaiman rishpaca mapayanguichicmi. Ñucami cancunata Mandac Dios cani.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

HECHOS 16:16

Shuc punzha Diosta mañangapac ricucpimi, adivinac espíritu japishca huarmi huambra tupangapac llucshirca. Chai huambraca adivinashpami, paipac amocunata yallita chayucyachirca.

DEUTERONOMIO 18:11

muspachic canata mana munanachu can. Shinallatac huañushcacunata mañac canata, ayahuan parlac canata, huairata cric canataca mana munanachu can.

JOSUÉ 17:11

Manasespac ailluca Isacarpac, Aserpac aillucunapac llactapipish cai pueblocunata charircami. Chai pueblocunaca Bet-seán pueblo, Ibleam pueblo uchilla llactacunandimi carca. Dor pueblopi causaccunapish uchilla llactacunandi, Endor pueblopish uchilla llactacunandi, Taanac pueblopi causaccunapish uchilla llactacunandi, Meguido pueblopi causaccunapish uchilla llactacunandimi paipac carca. Quimsaniqui llactaca Nafotmi carca.

1 SAMUEL 28:3

Samuelca ñami huañushca carca. Tucui israelcunami huacashpa, pai causacushca Ramá pueblollapitac enterrashca carca. Ashtahuanpish Saulca huañushcata mañaccunatapish, adivinocunatapish tucuimi Israel llactamantaca llucchishpa cachashca carca.