1 SAMUEL 28:20 - Dios Rimashcata Quillcashcami

²⁰ Samuel chashna huillacta uyashpami yallita mancharishpa Saulca jatun runa cashcamanta pambapi suniman urmarca. Shinallatac chai punzhapish, chai tutapish imata mana micushcamantami fuerza illac carca.

1 SAMUEL 28:20 ပူးပေါင်းရင်းမြစ်များ

JOB 26:2

«¿Imahuantac imatapish mana ruhuai pudic runataca ayudarcangui? ¿Ima shinatac fuerzata mana charic rigrataca ayudarcangui?

1 SAMUEL 25:37

Ashtahuanpish cayandi tutamanta Nabal vino ubiashca pasaricpimi, paipac huarmi Abigailca tucui ima tucushcata huillarca. Shina huillacpimi, Nabalca shungu upayashpa rumi shina saquirirca.

1 SAMUEL 28:19

Shinallatac Mandac Diosca israelcunatapish, cantapish filisteocunapac maquipimi churanga. Shina churacpimi, cayaca canpish, cambac churicunapish ñucahuan canguichic. Mandac Diosca Israel soldadocunatapish filisteocunapac maquipimi churanga— nirca.

1 SAMUEL 28:21

Saúl yallita mancharishpa, ima ruhuanatapish mana pudicta ricushpami, chai huarmi shamushpaca: —Canta servic ñucaca can rimashcatami cazurcani. Can imata ruhuai nishcatapish uyashpami, huañunatapish mana manchashpa, tucui ruhuarcani.

1 SAMUEL 28:5

Filisteocuna carpa huasicunata shayachishpa, tiyaricta ricushpami, Saulca yallita mancharishpa, paipac shungupi yalli llaquirirca.