1 SAMUEL 28:2 - Dios Rimashcata Quillcashcami

² Shina nicpimi, Davidca Aquistaca: —Canta servic ñuca imata ruhuanatapish canllatac allimi yachangui— nirca. Shina nicpimi, Aquisca Davidtaca: —Shina cashpaca ñuca tucui causaipimi, ñucata cuidac soldadocunata mandac cachun churasha— nirca.

1 SAMUEL 28:2 ပူးပေါင်းရင်းမြစ်များ

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

1 SAMUEL 1:22

Ashtahuanpish Anaca mana rishpami paipac cusataca: —Cai huahua chuchumanta raquingacaman mana rishachu. Ña raquirishca quipami cai huahuataca paipac huasipi servishpa causachun, Mandac Diosman cushpa paipac ñaupapi saquingapac risha— nirca.

1 SAMUEL 1:28

Chaimantami cai huahuataca ñucapish Mandac Diosman cuni. Paica tucui causaipimi, Mandac Diospacta ruhuashpa causanga— nirca. Shina nishpami Mandac Diosta allimari cangui nirca.

1 SAMUEL 27:10

Chaita ricushpami Aquisca: «¿Maijan pueblocunatatac cunanca llaquichimunguichic?» nishpa tapucpica, Davidca: «Judá llactapi cac Neguev pambapi causaccunata, mana cashpaca Neguev pambapi causac ceneocunata, mana cashpaca Jerameel pambapi causaccunatami llaquichimunchic» nic carca.

1 SAMUEL 29:2

Filisteocunata mandaccuna paicunapac soldadocunata patsacpi, huarangapi tandachishpa paicunapac ñaupata ricucpica, Davidpish, paipac runacunandimi Aquis jatun mandacta cuidashpa huashata caticurca.