1 SAMUEL 27:10 - Dios Rimashcata Quillcashcami

¹⁰ Chaita ricushpami Aquisca: «¿Maijan pueblocunatatac cunanca llaquichimunguichic?» nishpa tapucpica, Davidca: «Judá llactapi cac Neguev pambapi causaccunata, mana cashpaca Neguev pambapi causac ceneocunata, mana cashpaca Jerameel pambapi causaccunatami llaquichimunchic» nic carca.

1 SAMUEL 27:10 ပူးပေါင်းရင်းမြစ်များ

GÉNESIS 27:24

Cutinllatac tapushpaca: —¿Canca ñuca churi Esauchu cangui?— nirca. Shina nicpimi Jacoboca: —Ari, Esaumi cani— nirca.

2 SAMUEL 17:20

Chai quipa Absalonta serviccuna chai huarmipac huasiman chayashpaca: —¿Ahimaaspish, Jonatanpish maipitac?— nishpa tapurca. Shina tapucpimi chai huarmica: —Ñami yacu junduta pasarcacuna— nirca. Shina nicpimi, paicuna mashcashpapish mana tarishpa, Jerusalenman cutirca.

1 CRÓNICAS 2:25

Hezronpac punta churi Jerameelpac churica Rammi carca. Caishuc churicunaca: Buna, Orén, Ozém, Ahiasmi carca.

1 CRÓNICAS 2:9

Hezronpac churicunaca: Jerameel, Ram, Quelubaimi carca.

SALMOS 119:163

Llullanataca piñashpa millanimi. Ashtahuanpish can mandashcataca cuyanimi.

SALMOS 119:29

Llulla causaimanta anchuchishpa, can mandashcacunata yachachiyari.

PROVERBIOS 29:25

Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

NÚMEROS 24:21

Balaam ricushpa, yuyarina rimaicunahuan huillashpaca: «Cancunapac huasica sinchi huasicunami. Rumi quingraipi cuzha shinami canguichic.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

JUECES 1:16

Moisespac suegro Ceneopac huahuacunami palmacuna tiyac pueblomanta Judá ailluhuan, Judá shitashca pambaman rirca. Chai pambaca Arad pueblo ladollapi cac Neguev pambami carca. Paicunaca chai gentecunahuanmi causangapac saquirirca.

JUECES 4:11

Ceneocunapuramanta Heberca Moisespac suegro Hobabpac huahua huahuacunaca caishuc ceneocunapuramanta raquirinacushca Cedes pueblo ladopi cac Zaanaim pambapi tiyac encina yura cuchupimi carpa huasita shayachishpa tiyacurca.

JUECES 5:24

Ceneopuramanta Heberpac huarmi Jaelpish tucui huarmicunamanta yalli alli nishca cachun. Carpa huasipi causac huarmipish, tucui huarmicunamanta yalli alli nishca cachun.

1 SAMUEL 15:6

Chai quipaca chaipi causac ceneocunata Saulca: —Cancuna paicunahuan pacta mana huañungapacca paicunapac chaupimanta llucshichic. Cancunaca israelcuna Egiptomanta shamucucpica llaquishpami, allita ruhuarcanguichic— nirca. Shina nicpimi, ceneocunaca amalecitacunapac pueblomanta utca llucshi rirca.

1 SAMUEL 21:2

Shina nicpimi, Davidca Ahimelec curataca: —Jatun mandacmi caita ruhuachun mandashpaca: “Imapac cachashcatapish, ñuca imata ruhuagricushcatapish ama pi yachachun” nirca. Shinallatac ñucapac runacunamanca maipi tupanatapish ñami huillarcani.

1 SAMUEL 23:27

Shina cacpimi Saulpacman shuc huillac shamushpaca: —Filisteocunami ñucanchic llactapi macanacungapac yaicushca. Chaimanta utca shamui— nirca.

1 SAMUEL 27:11

Davidca pai llaquichishcata Gat pueblota jatun mandacman ama huillangapac shamuchunmi maijan pueblopi cashpapish caritapish, huarmitapish tucui huañuchirca. Chashnami paica filisteocunapac llactapi causacui punzhacunaca ruhuarca.

1 SAMUEL 29:8

Shina nicpimi, Davidca Aquistaca: —¿Imatatac ruhuashcani? ¿Cambacman shamushca punzhamanta cunancaman canta servic ñucataca ima mana alli ruhuashcatatac ricushcangui? ¿Ima nishpatac jatun mandac ñuca amota piñaccunahuan macanacuchunca mana apasha ninguiyari?— nirca.

1 SAMUEL 30:29

Racal pueblocunapi, Jerameel llactapi cac pueblocunapi, ceneocuna causac pueblocunamanpish cacharcami.