1 SAMUEL 26:3 - Dios Rimashcata Quillcashcami

³ Saulca shitashca pambamantaca inti llucshina ladoman cac Maquila lomapimi carpa huasita shayachishpa tiyacurca. Chai lomaca ñan ladopimi carca. David chaipi tiyacushpaca Saulpish shitashca pambaman paita catishpa shamushcatami yachac yacharca.

1 SAMUEL 26:3 ပူးပေါင်းရင်းမြစ်များ

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

1 SAMUEL 23:15

Davidca paita huañuchingapac Saúl mashcangapac llucshishcata yachashpami, Zif shitashca pambapi cac Hores pamballapitac saquirirca.

1 SAMUEL 23:19

Chai quipami Zif pueblopi causaccunaca Gabaa puebloman huichai rishpa Saultaca: —¿Davidca ñucanchic llacta Hores pambamanta ura ladoman cac Haquila lomacunapi mai mana chayanapimi miticushca canga?

1 SAMUEL 24:3

Shina ricushpami, oveja corral ladoman chayarca. Chai ladopimi shuc jatun machai tiyarca. Chai machaimanmi Saulca allichiringapac yaicurca. Chai machaillapitacmi ashtahuan ucuman Davidpish, paipac runacunapish miticushpa tiyacurca.

1 SAMUEL 26:1

Zif pueblopi causaccuna Gabaa puebloman chayashpami Saulhuan tupashpaca: —Davidca shitashca pambamanta inti llucshina ladoman cac Maquila lomapimi miticushpa tiyacun— nirca.

1 SAMUEL 26:4

Chaimantami Davidca pacalla chapaccunata cachashpa, Saúl chaipi cashcata alli yacharca.