1 SAMUEL 26:15 - Dios Rimashcata Quillcashcami

¹⁵ Shina nicpimi, Davidca Abnertaca: —¿Canca tucuita yalli sinchi runami cangui? ¿Israelpurapica can shina runaca pitac tiyanyari? ¿Ima nishpatac jatun mandac cambac amotaca mana cuidarcangui? Soldadocunapuramanta shucmi jatun mandac cambac amotaca huañuchingapac yaicurca.

1 SAMUEL 26:15 ပူးပေါင်းရင်းမြစ်များ

2 SAMUEL 3:38

Jatun mandac paita serviccunata cayashpaca: —Cunan punzha Israel llactapi tucuipac ricsishca mai alli shuc runa huañushcataca ¿Manachu yachanguichic?

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

SAN MATEO 26:40

Jesús chashna mañashpa, yachacuccunapacman cutimushpaca, paicuna sueñucuctami ricurca. Chaimantami Pedrotaca: —¿Manachu ashallatapish ñuca shinallatac riccharishca cai pudircanguichic?

1 SAMUEL 26:14

Chaipi cashpami, Davidca soldadocunatapish, Nerpac churi Abnertapish caparishpaca: —Abner, ñuca caparicuctaca ¿Manachu uyangui?— nirca. Shina nicpimi Abnerca: —Jatun mandacta caparingapacca, ¿canca pitac canguiyari?— nirca.

1 SAMUEL 26:16

Chashna mana cuidashpaca, mana allitami ruhuashcangui. ¡Mandac Diospac shutipimi nini: Cancunaca huañunatacmi canguichic! ¡Mandac Dios churashca cancunata jatun mandactami mana alli cuidashcanguichic! Cunanca ricui. ¿Jatun mandacpac uma ladopi tiyacushca lanzapish, jarropish maipitacyari?— nishpa tapurca.