1 SAMUEL 25:33 - Dios Rimashcata Quillcashcami

³³ Cambac alli yuyaipish alli nishca cachun. Huañuchishpa yahuarta jichangapac rinamantapish, ñucata llaquichinamantapish canmi ñucata jarcashcangui. Chaimanta alli nishcami cangui.

1 SAMUEL 25:33 ပူးပေါင်းရင်းမြစ်များ

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

ÉXODO 22:2

Maijan huasipi shuhuacucta japishpa, huañuchishpaca, mana juchanchishcachu canga.

PROVERBIOS 13:14

Yachaisapa yachachishcaca causaita cuc yacu shinami. Chai yachachishcacunaca huañuna tucllamanta quishpichinmi.

PROVERBIOS 17:10

Alli yuyaiyuc runa rimashcaca yuyai illac runata patsac cutin azotishcatapish yalli allimi.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 27:21

Cullquitaca pailapi churashpa, curitaca hornopi churashpami alli cashcataca ricun. Runa alli cashcaca shuccuna alli nicpimi yacharin.

PROVERBIOS 28:23

Mana allita ruhuac runata alli nishcamanta alli nishca canapac randica, cunashpa rimac runami alli nishca canga.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

1 SAMUEL 24:19

Shuc runa paita piñacta paipac maquipi charicushpaca ¿Mana imata ruhuashpa richun cacharishpa cachanmanllachu? ¡Cunan punzha ñucata can mana huañuchishcamantaca Mandac Diosllatac canman allicunata cuchun!

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.

1 SAMUEL 25:31

ñuca mandaclla, mana faltayucta huañuchishpa yahuarta jichashcamanta, cambac quiquin maquihuan canta piñaccunata mana llaquichishcamantaca mana shungupi llaquiringuichu. Mandac Dios ñuca mandacman allita ruhuacpica, canta servic ñucata yuyaringui— nirca.