1 SAMUEL 25:24 - Dios Rimashcata Quillcashcami

²⁴ Paica Davidpac chaqui ñaupapi cungurishpaca: —¡Ñuca mandaclla, ima juchata ruhuashcapish ñucapac jahuapi cachun! Ashtahuanpish canta servic ñucami, canhuan caita parlasha nini. Ñuca ima nishcata uyai.

1 SAMUEL 25:24 ပူးပေါင်းရင်းမြစ်များ

GÉNESIS 44:18

Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

2 SAMUEL 14:12

Shina nicpipish chai huarmica: —Jatun mandaclla, canta servic ñucataca shuc cutinllahuan rimachun saquiyari— nirca. Shina nicpimi, jatun mandacca: —Rimailla— nirca.

2 SAMUEL 14:9

Shina nicpipish, Tecoa pueblomanta huarmica: —¡Jatun mandac ñuca amolla, ima juchanchina cacpipish, ñucata, ñuca huasi ucupuracunata juchanchichun! ¡Ashtahuanpish can jatun mandacpish, can mandanapish ama juchanchishca cachun!— nirca.

2 SAMUEL 20:17

Chashna nicpimi Joab chai huarmipacman cuchuyacpica: —¿Canchu Joab cangui?— nishpa tapurca. Shina tapucpi paica: —Ari, ñucami cani— nirca. Shina nicpimi, chai huarmica: —Canta servic huarmi, ima nishcata uyai— nirca. Shina nicpimi Joabca: —Ari, uyashallami— nirca.

2 REYES 4:37

Shina nicpi, chai huarmi ucuman yaicushpaca, Eliseopac chaqui ladopi allpacaman cumurirca. Chai quipami paipac huahuata japishpa, chai ucumanta llucshirca.

ESTER 8:3

Esterca jatun mandac-huan cutin parlanacungapac shamushpami paipac chaqui ñaupapi huacashpa cungurirca. Shina cungurishpami Agageopac huahua huahuapuramanta Amán Judá llacta gentecunata huañuchishpa mana allita ruhuangapac mandashcata anchuchichun mañarca.

PROVERBIOS 25:15

Mandac piñaricpica, allimantallami cushichina. Sumac rimaicunaca tullutapish paquinllami.

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

SAN MATEO 18:29

Chashna ruhuacpimi, chai ashalla cullquita debic runa paipac ñaupapi cungurishpaca: “Ashata shuyai, ñuca debishcataca cutichishallami” nishpa, mañarca.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.

1 SAMUEL 25:23

Abigaíl huarmi Davidta ricushpaca, burromanta uricushcahuanmi Davidpac ñaupapi pambacaman cumurirca.

1 SAMUEL 25:25

Ñuca mandaclla, chai millai Nabal ima nishcataca ama cazuichu. Paipac shuti cashca shinallatacmi yuyai illac can. Ashtahuanpish canta servic ñucaca can cachashca mosocunataca mana ricushcanichu.

1 SAMUEL 25:28

Canta servic ñuca piñachishcataca perdonai. Mandac Diosllatacmi can ñucata mandacmanca huiñaita mandanata cunga. Ñuca amomi Mandac Diosmanta macanacucun. Cambac tucui causaipi ima mana allica canpica mana tiyangachu.