1 SAMUEL 25:23 - Dios Rimashcata Quillcashcami

²³ Abigaíl huarmi Davidta ricushpaca, burromanta uricushcahuanmi Davidpac ñaupapi pambacaman cumurirca.

1 SAMUEL 25:23 ပူးပေါင်းရင်းမြစ်များ

2 SAMUEL 1:2

Ña quimsa punzha tucucpica, Saulpac carpa huasimantami shuc mosoca churanacuna lliquirishca, umapish allpalla chayamurca. Chashna shamushpami, cazushcata ricuchishpa Davidpac ñaupapi pambacaman cumurirca.

2 SAMUEL 14:4

Shina nicpimi, Tecoa pueblomanta huarmica jatun mandacpacman rishpa, cazushcata ricuchingapac pambacaman cumurishpa, jatun mandactaca: —¡Jatun mandaclla, ñucata ayudaiyari!— nirca.

2 SAMUEL 18:28

Ahimaas jatun mandacta cayashpaca: —¡Cushi causaita charingui!— nirca. Chashna nishpami, jatun mandacpac ñaupapi pambacaman cumurishpaca: —¡Canta Mandac Diosca alli nishca cachun! Paimi can jatun mandac-huan cariyaccunata ñucanchic maquipi churashca— nirca.

2 SAMUEL 9:6

Shina pushamucpimi, Jonatanpac churi Saulpac nieto Mefi-bosetca Davidpacman shamushpa, pambapi ñahui tupangacaman cumurirca. Shina cumuricpimi Davidca: —¿Mefi-bosetchu cangui?— nirca. Shina nicpimi paica: —Ari, canta servic ñucaca caipimi cani— nirca.

1 CRÓNICAS 21:21

Shinallatac David Ornanpacman chayacucta ricushpaca trillana pambamanta llucshishpami Ornanca Davidpac ñaupapi pambacaman cumurirca.

JOSUÉ 15:18

Paipac huarmita ña pushashpa ricushpami, paipac taitaman tarpuna allpata mañachun nirca. Chaimantami chai huarmica burro jahuamanta uricurca. Chashna ricucpimi Calebca: —¿Imatac tucungui?— nirca.

JUECES 1:14

Paihuan ricucpimi Otonielca paipac huarmitaca: “Cambac taita allpata cuchun mañai” nishpa, huarmitaca cunarca. Acsa burromanta uricucpimi Calebca: —¿Imatatac ningui?— nirca.

RUT 2:10

Shina nicpi, Rut pambacaman cumurishpaca: —Can ñucata alli chasquichunca, ¿imamantatac cambac ñahuipi alli ricurircaniyari? Ñucaca shuctac llactamanta shamushcallami cani— nirca.

1 SAMUEL 20:41

Chai servic huambra rishca quipami, Davidca chai ura ladopi jatarishpa quimsa cutincaman allpaman chayacta paipac ñaupapi cumurirca. Chai quipami ñahui quingraipi muchanacushpa ishcaita huacarca. Ashtahuanpish Davidmi ashtahuan huacarca.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.

1 SAMUEL 25:24

Paica Davidpac chaqui ñaupapi cungurishpaca: —¡Ñuca mandaclla, ima juchata ruhuashcapish ñucapac jahuapi cachun! Ashtahuanpish canta servic ñucami, canhuan caita parlasha nini. Ñuca ima nishcata uyai.

1 SAMUEL 25:41

Shina nicpimi, Abigaíl allpacaman cumurishpaca: —Riqui, Davidta servic ñucaca caipimi cani. Chaimanta ñucata mandacpac serviccunapac chaquitapish jahuashallami— nirca.