1 SAMUEL 25:17 - Dios Rimashcata Quillcashcami

¹⁷ Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.

1 SAMUEL 25:17 ပူးပေါင်းရင်းမြစ်များ

2 SAMUEL 24:13

Shina nicpimi, Gadca David yachachun huillangapac rishpaca: —¿Canchis huatata yalli yarcai tiyachunchu? ¿Mana cashpaca canta piñaccunamanta quimsa quillata miticushpa ricpi, paicuna catichunchu? ¿Mana cashpaca cambac llactapi quimsa huatata yalli ungüi tiyachunchu munangui? Cunanca ñuca imata nigringapac allita yuyarishpa ni— nirca.

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

2 CRÓNICAS 13:7

Paihuanca quilla, mana alli gentecunami tandanacurca. Chai gentecunahuanmi, Salomonpac churi Roboam huambrarac cashpa mana mandai pudicpi mana cazurca.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

ESTER 7:7

Jatun mandacca nina japiric shina piñarishpami vinota ubianata saquishpa mandashpa tiyana huasi lado huertaman rirca. Jatun mandacca Amanta huañuchinalaya tucucpimi, Amanca paita ama huañuchichun jatun mandac Esterman mañangapac saquirirca.

PROVERBIOS 12:8

Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.

DEUTERONOMIO 13:13

Diosta mana manchac maijan runacunami cancunapac chaupimanta llucchishpa, cancunapac llactapi causaccunataca: “Cancuna mana ricsishca shuctac dioscunata jacuchic servishun” nicun nishcami uyaringa.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.

1 SAMUEL 20:7

Cambac taita: “Shina cashpaca allimi” nicpica, canta servic ñucaca cushillami casha. Ashtahuanpish pai piñaricpica, huañuchingapac cashcatami yachangui.

1 SAMUEL 20:9

Shina nicpimi Jonatanca: —¡Ama chashna yuyaichu! Ashtahuanpish ñuca taita huañuchishatac nicushcata yachashpaca ¿Manachu huillaiman?— nirca.

1 SAMUEL 25:16

Paicunahuan ovejacunata ñucanchic michicucpica, punzhapish, tutapish pirca shinami cuidashpa charirca.

1 SAMUEL 25:18

Shina nicpimi, Abigaíl huarmica utcashpa ishcai patsac tandata, ishcai puñu vinota, pichca oveja aicha cusashcata, chaupi quintal camchata, patsac racimo uvasmanta ruhuashca tortillata, chaquishca higomanta ruhuashca ishcai patsac tandata burrocunapi apachirca.

1 SAMUEL 25:25

Ñuca mandaclla, chai millai Nabal ima nishcataca ama cazuichu. Paipac shuti cashca shinallatacmi yuyai illac can. Ashtahuanpish canta servic ñucaca can cachashca mosocunataca mana ricushcanichu.