1 SAMUEL 23:7 - Dios Rimashcata Quillcashcami

⁷ Keila puebloman David shamushcata Saulman huillacpimi, Saulca: «Diosmi ñuca maquipi churashca. Chaimantami Davidllatac puebloman yaicushpa, pungucunata huichcarishpa aldabarishca» nishpa yuyarca.

1 SAMUEL 23:7 ပူးပေါင်းရင်းမြစ်များ

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

SALMOS 31:21

¡Mandac Diosca alli nishca cachun! Paica muyundita jatun pircashca pueblopica ñucata llaquishpami jatun mancharinata ruhuarca.

ÉXODO 14:3

Faraonca israelcunamantaca: ‘Chai shitashca pambapimi chingarishpa, maita mana ri pudishpa puricunga’ ninga” ningui.

ÉXODO 15:9

Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.

1 SAMUEL 23:14

Shinami Davidca shitashca pamba Zif urcucunaman rishpa pirca huashacunapi miticushpa causacurca. Saulca punzhanta mashcacucpipish Diosca Davidtaca mana paipac maquipi churarcachu.

1 SAMUEL 23:6

Ahimelecpac churi Abiatar miticushpa Davidta catishpa Keila puebloman rishpaca efod churanata apashpami rirca.

1 SAMUEL 23:8

Chaimantami Saulca Keila pueblopi macanacungapac ringapac tucui paipac runacunata tandachirca. Paica Davidtapish, paipac runacunatapish muyunacushpa japinatami yuyarca.