1 SAMUEL 23:22 - Dios Rimashcata Quillcashcami

²² Cunanca, maipi miticushca pushtuta alli ricushpa ricsigrichic. Pi ricushcatapish, alli yachaichic. Paica yalli vivo cashcatami ñucamanca huillancuna.

1 SAMUEL 23:22 ပူးပေါင်းရင်းမြစ်များ

2 SAMUEL 17:9

Cunanllatacmi paica mai jatun jutcupi, mana cashpaca mai shuctac ladopi miticushca canga. Macanacui callaricpi, cambac gentecuna maijancuna huañucpica, chaita maijan yachashpaca: “Absalonpac gentecunaca huañushcami” ningacunami.

2 REYES 6:13

Shina nicpi, jatun mandacca: —Ñuca chai runata prezuchun cachangapac, chai runa maipi cashcata ricungapac ri— nirca. Shina nicpica: —Riqui, paica Dotán pueblopimi causan— nishpa huillarca.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

1 SAMUEL 23:21

Shina nicpimi Saulca: —Cancuna ñucata llaquishpa, huillangapac shamushcamantaca Mandac Diosllatac bendiciachun.

1 SAMUEL 23:23

Alli alli ricushpa maipi miticuctapish allita yachashpa ñucaman huillac shamunguichic. Chashna huillacpica, cancunahuan rishallami. Chai llactapi cacpica, Judá llactapi causacuc huaranga huaranga gentecunapimi mashcasha— nirca.

1 SAMUEL 30:31

Hebrón pueblocunapi causaccunamanpish cacharcami. Maipimi paipac runacunahuan David purishca pueblopi causaccunamanpish cacharcami.