1 SAMUEL 23:10 - Dios Rimashcata Quillcashcami

¹⁰ Chai quipami Davidca: —Israelcunata Mandac Dioslla, Keila pueblopi causaccunataca canta servic ñucamanta Saúl tucuchingapac shamugricushcatami yachani.

1 SAMUEL 23:10 ပူးပေါင်းရင်းမြစ်များ

GÉNESIS 18:24

Chai mana allita ruhuaccunapurapi pichca chungallapish allita ruhuaccuna tiyacpica, paicunata llaquishpa, ¿manachu perdonangui?

ESTER 3:6

Shina piñarishpapish Mardoqueollatac llaquichinataca mana munarcachu. Ashtahuanpish jatun mandac Asuero mandacuc llactacunapi causac tucui Judío gentecunatami huañuchinata yuyarirca.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

1 SAMUEL 22:19

Shinallatac curacuna causana Nob puebloman rishpami caricunatapish, huarmicunatapish, huahuacunatapish, chuchucuc huahuacunatapish espadahuan huañuchirca. Shinallatac huagracunatapish, burrocunatapish, ovejacunatapish espadahuan chugrichishpami tucui huañuchirca.

1 SAMUEL 23:11

¿Keila pueblopi causaccunaca Saulpac maquipi ñucata churangacunachu? ¿Canta servic ñuca uyashca shina Saulca urai shamungachu? Israelcunata Mandac Dioslla, canta servic ñuca tapushcataca huillaiyari— nirca. Shina tapucpi Mandac Diosca: —Ari, Saulca urai shamungami— nirca.

1 SAMUEL 23:8

Chaimantami Saulca Keila pueblopi macanacungapac ringapac tucui paipac runacunata tandachirca. Paica Davidtapish, paipac runacunatapish muyunacushpa japinatami yuyarca.

1 SAMUEL 23:9

Ashtahuanpish Davidca Saúl ima shina huañuchinata yuyaricushcata yachashpami Abiatar curataca: —Efodta apamui— nirca.