1 SAMUEL 22:17 - Dios Rimashcata Quillcashcami

¹⁷ Shina nishpami, jatun mandacca paipac muyundi cuidashpa shayacuc soldadocunataca: —¡Mandac Diospac curacunata huañuchichic! Paicunaca Davidta ayudashpami, pai miticushpa ricta yachashpapish mana huillashcacuna— nirca. Shina nicpipish, jatun mandacta serviccunaca Mandac Diospac curacunata mana huañuchisha nircacunachu.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Chai quipami Absalonca macanacuna carretacunata, caballocunata randirca. Shinallatac paita cuidac pichca chunga soldadocunatapish tandachircami.

1 REYES 1:5

Chai shina cacpimi, Haguit huarmipac cari huahua Adoniasca: «Ñucami mandana cani» nishpa jatun tucushpa puricurca. Shina nishpami carretacunata ruhuachishpa, caballocunatapish randishpa, paita cuidachunca pichca chunga soldadocunatapish tandachirca.

1 REYES 14:27

Chai escudocunapac randica jatun mandac Roboamca bronce escudocunatami ruhuarca. Chai escudocunataca jatun mandacpac huasi pungupi cuidac soldadocunata mandaccunamanmi curca.

1 REYES 18:4

Jezabel Mandac Dios ima nishcata huillaccunata huañuchicucpica, Abdiasmi chai huillaccunamantaca patsac runacunata apashpa pichca chungataca shuc jatun jutcupi, caishuc pichca chungataca shuctac jatun jutcupi pacarca. Shina pacashpaca, tandata, yacutapish cararcami.

2 REYES 10:25

Baal diosman animalta cushpa rupachishca quipaca canzhapi cuidac soldadocunatapish, soldadocunata mandaccunatapish cayashpaca: «¡Yaicushpa tucui huañuchichic! Shucllatapish miticushpa richunca ama saquichicchu» nirca. Shina nicpimi, canzhapi cuidac soldadocunapish, soldadocunata mandaccunapish yaicushpa, espadahuan huañuchishpa canzhaman shitarca. Quipataca Baal diospaclla chicanyachishca ucumanpish yaicushpami,

ÉXODO 1:17

Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

HECHOS 4:19

Shina nicpi, Juanpish, Pedropish rimashpaca: —Cancunallatac alli yuyarichic. Diosmanca, ¿paita cazunata saquishpa, cancunata cazunachu ashtahuan alli canga?

1 SAMUEL 14:45

Shina nicpi, israelcunaca Saultaca: —¿Jonatanca macanacushpa israelcunata quishpichishca jahuachu huañugrin? ¡Chaitaca Dios ama munachun! ¡Mandac Diospac shutipimi nini: Paipac umamantaca shuc acchallapish mana allpapi urmangachu! Paica Mandac Dios ayudacpimi macanacuita misharca— nirca. Shinami Jonatanta mana huañuchishpa quishpichirca.

1 SAMUEL 2:31

Riqui, cantapish, cambac huasi ucupuracunatapish tucuchina punzhacuna chayamucunmi. Cambac huasi ucupuramantaca pipish yuyaccamanca mana causangachu.

1 SAMUEL 20:33

Shina nicpimi, Saulca Jonatantaca huañuchisha nishpa lanzahuan shitarca. Chashna ruhuacpimi, Jonatanca paipac taita Saúl Davidta huañuchishatac nicushcata yacharca.

1 SAMUEL 22:13

Shina nicpimi Saulca: —¿Ima nishpatac canhuan, Isaipac churihuanca ñucata llaquichingapac huashalla rimanacurcanguichic? Tandatapish, espadatapish cushpami David ima ruhuanatapish, Diosman tapushcangui. Chaitaca ñucata piñashpa, pacalla chapashpa puringapacmi chashna ruhuashcangui. Cunan punzhaca paica chaitami ruhuacun— nirca.

1 SAMUEL 22:16

Shina nicpimi, jatun mandacca: —¡Ahimelec canpish, cambac taitapac huasi familiapish huañunami canguichic!— nirca.

1 SAMUEL 25:17

Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.

1 SAMUEL 8:11

Paica: —Caita alli yuyarichic. Cancunata jatun mandacca cancunapac churicunata apashpami macanacuna carretacunapi, caballocunapi tiyachishpa paipac carretapac ñaupata richun churanga. Maijancunataca paicunata cuidac cachunmi churanga.