1 SAMUEL 22:16 - Dios Rimashcata Quillcashcami

¹⁶ Shina nicpimi, jatun mandacca: —¡Ahimelec canpish, cambac taitapac huasi familiapish huañunami canguichic!— nirca.

1 SAMUEL 22:16 ပူးပေါင်းရင်းမြစ်များ

1 REYES 18:4

Jezabel Mandac Dios ima nishcata huillaccunata huañuchicucpica, Abdiasmi chai huillaccunamantaca patsac runacunata apashpa pichca chungataca shuc jatun jutcupi, caishuc pichca chungataca shuctac jatun jutcupi pacarca. Shina pacashpaca, tandata, yacutapish cararcami.

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

ESTER 3:6

Shina piñarishpapish Mardoqueollatac llaquichinataca mana munarcachu. Ashtahuanpish jatun mandac Asuero mandacuc llactacunapi causac tucui Judío gentecunatami huañuchinata yuyarirca.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

DANIEL 2:12

Shina nicpimi, jatun mandacca yallita piñarishpa, Babiloniapi causac tucui yachaccunata huañuchichun cacharca.

DANIEL 2:5

Shina nicpimi, jatun mandacca paicunataca: —Ñucaca cungarishcanimi. Imata muscushcatapish, chai muscui imata nisha nicushcata mana huillashpaca ñutuchishcami canguichic. Cancunapac huasicunapish tucuchishcami canga.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

HECHOS 12:19

Herodesca Pedrota mashcachishpa, mana tarishpami, cuidac soldadocunata alli tapushpa, paicunata huañuchichun mandarca. Chai quipaca Judea llactamanta llucshishpa, Cesarea pueblopimi causagrirca.

DEUTERONOMIO 24:16

Taitacunaca mana churicunapac juchamantaca huañungachu. Churicunapish mana taitacunapac juchamanta huañungachu. Ashtahuanpish quiquin juchamantaca, quiquinllatacmi huañunga.

1 SAMUEL 14:44

Shina nicpimi Saulca: —¡Mandac Dios chashna ruhuachun! Canta mana huañuchicpica, Mandac Dios chaitapish yallita llaquichichun— nirca.

1 SAMUEL 20:31

Isaipac churi cai pachapi causacucpica cambac causaipish, can mandanapish manchaillami causanguichic. Cunanca pushamuchun cachai. Paica huañuchishcatacmi canga— nirca.

1 SAMUEL 22:15

¿Ñucaca Diosmanca punta cutinchu Davidmantaca tapurcani? ¡Mana chashnachu! Canta servic ñucaca canta huañuchisha nicushcataca ashallatapish mana yachanichu. Chaimanta canta servic ñucatapish, ñuca taitapac huasi familiatapish ama yanga juchanchichu— nirca.

1 SAMUEL 22:17

Shina nishpami, jatun mandacca paipac muyundi cuidashpa shayacuc soldadocunataca: —¡Mandac Diospac curacunata huañuchichic! Paicunaca Davidta ayudashpami, pai miticushpa ricta yachashpapish mana huillashcacuna— nirca. Shina nicpipish, jatun mandacta serviccunaca Mandac Diospac curacunata mana huañuchisha nircacunachu.