1 SAMUEL 21:11 - Dios Rimashcata Quillcashcami

¹¹ Chaiman chayacpi, Aquista serviccunaca: —¿Manachu paica Israel llactata jatun mandac David? ¿Manachu paitaca: “Saulca huaranga runacunatami huañuchirca, Davidca chunga huaranga runacunatami huañuchirca” nishpa cantashpa danzacurca?— nirca.

1 SAMUEL 21:11 ပူးပေါင်းရင်းမြစ်များ

SALMOS 34:1

Mandac Diostaca punzhanta alli nicushallami. Ñuca shimihuan cantashpaca manatac upallashachu.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 19:18

Chashna pacalla rishpami Davidca Ramá pueblopi causac Samuelpacman chayarca. Chaiman chayashpaca Saúl paita tucui ima ruhuashcatami parlarca. Chai quipami Davidca Samuelhuan Naiot pambapi causangapac rirca.

1 SAMUEL 27:1

Chai quipami Davidca paipac shungupica: «Ima punzha cashpapish Saulca huañuchingami. Chaimanta ama ashtahuan ñucata cai Israel llactapi mashcashpa puricuchunca, Filisteocunapac llactapi miticungapac risha. Shina rishpami, paipac maquimantaca quishpirisha» nishpa yuyarca.

1 SAMUEL 27:2

Shina yuyarishpami Davidca paihuan cac sucta patsac runacunandi Gat pueblota jatun mandac Maocpac churi Aquispacman rirca.

1 SAMUEL 29:5

¿Manachu cai Davidta: “Saulca huaranga runacunatami huañuchirca, cutin Davidca chunga huaranga runacunatami huañuchirca” nishpa cantashpa danzarcacuna?— nirca.