1 SAMUEL 20:31 - Dios Rimashcata Quillcashcami

³¹ Isaipac churi cai pachapi causacucpica cambac causaipish, can mandanapish manchaillami causanguichic. Cunanca pushamuchun cachai. Paica huañuchishcatacmi canga— nirca.

1 SAMUEL 20:31 ပူးပေါင်းရင်းမြစ်များ

2 SAMUEL 12:5

Shina nicpimi, Davidca chai chayuc runahuanca nina japiric shina piñarishpa Natantaca: —¡Mandac Diospac shutipimi nini: Maijan chaita ruhuacca huañunatacmi can!

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

SALMOS 79:11

Prezucuna huacashcapish cambac ñaupaman chayashca cachun. Huañuchingapac prezushcacunatapish tucuita ruhuac cambac rigrahuan quishpichiyari.

1 SAMUEL 19:6

Jonatán chashna nicta uyashpami Saulca: —¡Mandac Diospac shutipimi nini: Davidtaca mana huañuchishachu!— nirca.

1 SAMUEL 20:30

Shina nicpimi, Saulca Jonatanhuan yallita piñarishpa: —¡Mana cazushpa millaita ruhuac huarmipac huahua! Canllatac pingaichishca tucushpa, cambac mamatapish pingaichingapac Isaipac churihuan apanacuc cashcataca ¿Manachu ñucaca yachani?

1 SAMUEL 20:8

Canta servic ñucata llaquingui. Canta servic ñucahuan alli apanacuc cangapacmi Mandac Diospac ñaupapi ari nircangui. Ima mana allita ñuca ruhuashca cacpica, canllatac huañuchi. ¿Imapactac cambac taitapacmanca pushacungui?— nirca.

1 SAMUEL 23:17

Jonatanca: —Ama manchaichu, ñuca taita Saúl canta mashcacushpapish mana taringachu. Canmi israelcunata jatun mandac tucungui. Ñucaca cambac catic mandacmi tucusha. Chaitaca ñuca taita Saulpish allimi yachan— nirca.

1 SAMUEL 26:16

Chashna mana cuidashpaca, mana allitami ruhuashcangui. ¡Mandac Diospac shutipimi nini: Cancunaca huañunatacmi canguichic! ¡Mandac Dios churashca cancunata jatun mandactami mana alli cuidashcanguichic! Cunanca ricui. ¿Jatun mandacpac uma ladopi tiyacushca lanzapish, jarropish maipitacyari?— nishpa tapurca.