1 SAMUEL 20:27 - Dios Rimashcata Quillcashcami

²⁷ Llullu quilla cayandi punzhapish Davidpac tiyarina chushaclla cacpimi, Saulca paipac churi Jonatantaca: —¿Ima nishpatac Isaipac churica cainapish, cunanpish micungapacca mana shamun?— nishpa tuparca.

1 SAMUEL 20:27 ပူးပေါင်းရင်းမြစ်များ

SAN MATEO 13:55

Paica carpinteropac churillami. Paipac mamapish Mariami. Paica Jacobopac, Josepac, Simonpac, Judaspac huauquimi.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina cacpipish, Diosmanca achca valic acllashca rumimi can.

1 SAMUEL 18:11

Shina charicushpami Saulca: «¡Lanzahuan shitashpami Davidtaca pirca quingraipi huañuchisha!» nishpami yuyarca. Ashtahuanpish ishcai cutinmi Davidca ladoyarca.

1 SAMUEL 19:15

Shina nicpimi, Saulca paipac runacunataca: «¡Caipi huañuchingapac camandi Davidta apamugrichic!» nishpa cacharca.

1 SAMUEL 20:26

Chai punzhaca David illacta ricushpapish Saulca imata mana nircachu. Chaica: «Diospac ñaupapi ima mana allita ruhuashca cashpami manarac alli tucushca canga» yuyarcami.

1 SAMUEL 20:28

Shina tapucpimi Jonatanca Saultaca: —Davidca Belenman ringapacmi, ñucaman yallita mañarca.

1 SAMUEL 20:5

Chashna nicpimi Davidca Jonatantaca: —Riqui, cayaca llullu quillami. Ñuca jatun mandac-huanmi micungapac tiyarina cani. Ashtahuanpish canca quimsa punzhacaman pambapi ñuca miticugrichun saquingui.

1 SAMUEL 25:10

Nabalca David cachashca mosocunataca: —¿Pitac Davidca? ¿Pitac Isaipac churica? Cunan punzhacunaca achca serviccunami paipac amocunamanta miticushpa puricuncuna.