1 SAMUEL 20:16 - Dios Rimashcata Quillcashcami

¹⁶ Jonatanca: —¡Canta piñaccunataca Diosllatac llaquichichun!— nishpami Davidpac huasi ucupuracunahuan ari ninacurca.

1 SAMUEL 20:16 ပူးပေါင်းရင်းမြစ်များ

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

2 SAMUEL 21:8

Shina cashpapish, Ajapac huarmi huahua Rizpa huarmipi Saúl charishca Armoni, shinallatac Mefi-bosettami curca. Shinallatac Saulpac ushi Merab huarmipi meholatitapuramanta Barzilaipac churi Adrielpac pichca churicunatapish curcami.

JEREMÍAS 40:9

Chashna shamucpi, Ahicampac churi, Safanpac nieto Gedalías paicunahuan, paicunapac soldadocunahuan ari nishpaca: «Caldeocunata servinataca ama manchaichicchu. Babilonia llactapi jatun mandacta servishpa causaichiclla. Chashna servishpaca allimi causanguichic.

DEUTERONOMIO 23:21

Mandac Diosman imata cusha nishpaca, ama unayashpa, utca cunguichic. Mana cucpica, Mandac Diosca cuchun ningami. Chaimanta juchayucmi tucunguichic.

JOSUÉ 22:23

Ñucanchicca Mandac Diosmanta mana caruyashcanchicchu. Cai altartaca mana Diosman animalta cushpa tucui rupachingapacchu, mana ofrendata cungapacchu, mana Dios-huan alli tucungapac cungapacchu ruhuashcanchic. Chaicunata ruhuangapac chai altarta ruhuashca cacpica, ñucanchicta Mandac Dios llaquichichun.

1 SAMUEL 18:3

Jonatanca Davidta yallita cuyashcamantami paihuan shuc ari— ninacuita ruhuarca. Jonatanca quiquin cuyaric shinami Davidtaca cuyarca.

1 SAMUEL 20:42

Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 22:8

ñucata piñashpa pacalla parlanacucunguichic? Ñuca churi Jonatán, Isaipac churi Davidhuan imatapish ruhuangapac ari nishcata yachashpapish, mana huillarcanguichicchu. Cancunaca ñucata mana llaquinguichicchu. Chaimantami ñucata servic David ñucata piñashpa jatarichun ñuca churica yuyaita cushca. Cunanca paica chaitami ruhuacun— nirca.

1 SAMUEL 23:18

Ishcaita Mandac Diospac ñaupapi ari ninacushpami, Davidca Hores pamballapitac saquirirca. Cutin Jonatanca paipac huasimanmi cutirca.

1 SAMUEL 25:22

Shina cashcamanta paipac huasi ucupurata caya tutamantacaman tucui caricunata ñuca mana huañuchicpica, ¡chaimantapish yallita Dios ñucata llaquichichun!» nirca.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.

1 SAMUEL 31:2

Filisteocunaca Saulta catishpa rishpami paipac churi Jonatanta, Abinadabta, Malquisuata huañuchirca.