1 SAMUEL 2:28 - Dios Rimashcata Quillcashcami

²⁸ Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

Shina nicpimi, Natanca Davidtaca: —Chai runaca canllatacmi cangui. Israelcunata Mandac Diosca: “Ñucami aceitehuan cahuishpa, israelcunata mandac cachun churarcani. Cambac amo Saulpac maquimantapish quishpichircanimi.

2 SAMUEL 6:14

Shinallatac linomanta ruhuashca efot churanata churarishpami, Davidca Mandac Diospac ñaupapi danzarca.

ÉXODO 28:1

Israelcunapuramanta cambac huauqui Aarontapish, paipac churi Aarontapish, Nadabtapish, Abiutapish, Eleazartapish, Etamartapish ñucapac curacuna tucushpa, ñucata servichun cambac ñaupaman cayangui.

ÉXODO 28:4

Cai churanacunata ruhuangui: Pectoraltapish, efodtapish, tunicatapish, cuadrado churanatapish, mitratapish shinallatac chumbitapish ruhuangui. Cura tucushpa, ñucata servichun, cambac huauqui Aaronmanpish, paipac churicunamanpish ñucapaclla chicanyachishca churanacunata ruhuachingui.

ÉXODO 30:7

Aarón lamparacunata allichicushpaca, cada tutamantami mishquilla ashnacuc inciensota altarpi rupachinga.

ÉXODO 30:8

Chashnallatac tutayacucta lamparacunata japichicushpapish inciensota rupachichun. Caitaca huiñaitami cancunapac huahua huahuacunaca Mandac Dios ñucapac ñaupapi rupachinga.

LEVÍTICO 2:10

Rupachishca puchushca harinaca Diospacllami. Chaimantami Aaronman, paipac churicunaman cuna can.

LEVÍTICO 2:3

Chai rupachishca puchu harinaca Diospacllami. Chaimantami Aaronman, paipac churicunaman cuna can.

LEVÍTICO 6:16

Chai puchuca Aaronmi paipac churicunandi micunga. Chaitaca levadura illactami Dios-huan tupana huasi canzha pambaman rishpa, Diospaclla chicanyachishca pushtupi micunga.

LEVÍTICO 7:32

Dios-huan alli tucungapac cushca animalpac alli lado changa aichataca curami japinga.

LEVÍTICO 7:36

Israelcuna Diosman cushca aichataca Mandac Diospac cura cachunmi, aceitehuan cahuishca punzhamanta pacha paicunaman cuchun mandarca. Paicunapac huahua huahuacunapish chashnallatac ruhuachunmi mandarca.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 18:19

Israelcuna ñucaman alzashpa tucui cushcacunaca canmanpish, cambac churicunamanpish, canhuan causac ushicunamanpishmi canga. Chaicunataca huiñaita micuchun cushcami. Chaica canmanpish, cambac huahua huahuamanpish huiñaita cungapac Mandac Diospac ñaupapi ari nishcata ricuchic cachi shinami can» nirca.

1 SAMUEL 14:3

Ahitob runapac churi Ahiasmi efod nishcacunata apac carca. Ahitobca Fineespac churimi carca. Shinallatac Icabodpac huauquimi carca. Fineesca Elí curapac churimi carca. Elica Silo pueblopimi Mandac Diosta servic cura carca. Israelcunaca Jonatán rictaca mana yacharcacunachu.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.