1 SAMUEL 2:15 - Dios Rimashcata Quillcashcami

¹⁵ Shinallatac manarac huirata rupachicpipish, curata servic animalta huañuchic runapacman rishpaca: «Aichata cusashpa curaman carangapac cui. Paica yanushca aichata cucpica, mana chasquingachu, chahua aichata cucpimi chasquinga» nic carca.

1 SAMUEL 2:15 ပူးပေါင်းရင်းမြစ်များ

ÉXODO 12:9

Chai aichataca chahuatapish, yacuhuan yanushcatapish mana micunachu, ashtahuanpish umacunandi, chaquicunandi, chunzhullindi ninapi cusashpami micuna canguichic.

LEVÍTICO 3:16

Chaicunataca curami altar jahuapi rupachinga. Chaicunaca micuna ofrendami canga. Chaicunata rupachishcami Diosmanca mishquilla ashnanga. Tucui chaicunaca Mandac Diosman cushcami canga.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.

1 SAMUEL 2:14

Chai fierrotaca caldero mangapi, jatun mangapi, mana cashpaca, pailapimi satic carca. Chai garfio fierropi tucui llucchishcatami curacunaca micuc carca. Chashnami Silo puebloman shamuc tucui israelcunahuanca ruhuaccuna carca.

1 SAMUEL 2:16

Animalta huañuchic runa: «Shuyai huiratarac rupachisha, quipaca can munashcata apanguillami» nicpica: «Mana, cunanllatac cuilla. Can mana cucpica, quichushpami apasha» niccunami carca.