1 SAMUEL 19:17 - Dios Rimashcata Quillcashcami

¹⁷ Chaimantami Saulca Micaltaca: —¿Ima nishpatac ñucata cai shina piñacta richun saquishpa umarcangui?— nirca. Shina nicpimi, Micalca Saultaca: —Mana richun saquicpica, huañuchisha nicpimi richun saquircani— nirca.

1 SAMUEL 19:17 ပူးပေါင်းရင်းမြစ်များ

2 SAMUEL 17:20

Chai quipa Absalonta serviccuna chai huarmipac huasiman chayashpaca: —¿Ahimaaspish, Jonatanpish maipitac?— nishpa tapurca. Shina tapucpimi chai huarmica: —Ñami yacu junduta pasarcacuna— nirca. Shina nicpimi, paicuna mashcashpapish mana tarishpa, Jerusalenman cutirca.

2 SAMUEL 2:22

Chaimantami Abnerca cutinllatac Asaeltaca: —¡Ama ñucata catichu! Canta huañuchishpa pambapi shitashpaca, ¿ima ñahuihuantac cambac huauqui Joabmanca ricurigrisha?— nirca.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

GÁLATAS 4:16

¿Cancunaman cashcata huillashcamantachu ñucataca piñanguichic?

1 SAMUEL 19:14

Saúl cachashca runacuna Davidta japingapac chayacpimi Micalca: —Davidca ungushcami— nirca.

1 SAMUEL 19:16

Chai runacuna huasiman yaicushpa ricucpica ruhuashcalla diosllami camapi chivo millmamanta ahuashca saunata saunashca siricurca.

1 SAMUEL 22:17

Shina nishpami, jatun mandacca paipac muyundi cuidashpa shayacuc soldadocunataca: —¡Mandac Diospac curacunata huañuchichic! Paicunaca Davidta ayudashpami, pai miticushpa ricta yachashpapish mana huillashcacuna— nirca. Shina nicpipish, jatun mandacta serviccunaca Mandac Diospac curacunata mana huañuchisha nircacunachu.

1 SAMUEL 28:12

Samuelta chai huarmi ricushpaca sinchita caparishpami Saultaca: