1 SAMUEL 18:6 - Dios Rimashcata Quillcashcami

⁶ Chai filisteota David huañuchishca quipa, paicuna cutimucpimi, tucui Israel llactapi cac pueblocunamanta huarmicunaca cantashpa, danzashpa, panderocunahuan, shuctac tocanacunapi cushilla tocashpa jatun mandac Saulta tupangapac llucshirca.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

Gat pueblopi causaccunamanpish, Ascalón pueblo plazapipish, ama parlanguichicchu. Filisteocunapac, circuncisionta mana ruhuashca huarmicuna ama cushicuchun.

2 SAMUEL 6:5

Davidpish, tucui israelcunapish cushicushpami caspimanta ruhuashca arpapi, panderopi, salteriopi, flautapi, cimbalopi tocashpa Mandac Diospac ñaupapi danzarca.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 68:11

Mandac Diosmi huillachun mandarca. Chaita achca huarmicuna huillashpaca:

SALMOS 68:25

Cantaccunaca huashata, tocaccunaca ñaupata, cutin solteracunaca panderocunapi huactashpami chaupita shamurcacuna.

ÉXODO 15:20

Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

ÉXODO 15:21

Chashna cantashpami Mariaca: «¡Mandac Diosta cantaichic! ¡Paipac poderta ricuchishpami, carretacunapish, caballocunapi ric soldadocunatapish, cuchapi ucuyachirca!» nirca.

ISAÍAS 30:32

Mandac Dios macashpa, llaquichicucpica, tamborcunapi, arpacunapi tocashcami uyaringa. Jatun macanacuipica Mandac Diosmi macanacunga.

JUECES 11:34

Jefté Mizpa pueblopi cac paipac huasiman chayacucpica, paipac ushimi panderopi huactashpa, danzashpa tupangapac llucshirca. Ashtahuan shuctac ushitapish, churitapish mana charircachu. Paillami carca.

1 SAMUEL 18:5

Davidca Saúl maiman cachacpipish ricllami carca. Shinallatac tucui chaicunapica allitami ruhuac carca. Chaimantami Saulca soldadocunata mandac cachun churarca. Davidca tucui gentecunapac ñaupapipish, Saulta serviccunapac ñaupapipish allimi ricurirca.