1 SAMUEL 18:30 - Dios Rimashcata Quillcashcami

³⁰ Filisteocunata mandaccunaca macanacungapacmi shamushpa catirca. Chashna ima horas shamucpipish Saulta serviccunamanta yallica Davidmi ashtahuan atic carca. Chaimantami paitaca yallita cuyashpa, alli nic carca.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Chai quipa huatami tucui jatun mandaccuna macanacuiman llucshina punzha chayacpi, Davidca Joabta paita serviccunahuan, tucui israelcunahuan Amón llactapi macanacuchun cacharca. Shina cachacpimi, Amón llacta gentecunata tucuchishpa, Rabá pueblota japingapac chai pueblo muyundita shayarirca. Shina cacpipish, Davidca Jerusalenpimi saquirirca.

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

2 REYES 1:13

Cutinllatacmi pichca chunga soldadocunata paicunata mandac-huan cacharca. Caihuanca quimsa cutinmi cacharca. Quimsaniqui ric soldadocuna mandac Elías tiyacushcaman chayashpa cungurishpaca: —¡Diospac runalla! ¡Ñuca causaipish, canta servic pichca chunga soldadocunapish cambac ñaupapi alli ricurishca cachun!

SALMOS 116:15

Pai acllashcacuna huañucpica, Mandac Diosca llaquinmi.

SALMOS 119:99

Ima shina causanata can yachachishcacunaca ñuca yallita yuyarishpa causangapacmi can. Chaimantami ñucata tucui yachachiccunatapish yalli ashtahuan yachacurcani.

PROVERBIOS 12:8

Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

EFESIOS 5:15

Chaimanta caishuc chaishuc-huan ima shina apanacunata yuyarichic. Ama yuyai illac shina causaichicchu, ashtahuanpish alli yuyaihuan causaichic.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina cacpipish, Diosmanca achca valic acllashca rumimi can.

1 PEDRO 2:7

Cancuna Cristota criccunamanca, paica mai valishcami can. Ashtahuanpish chaita mana criccunamanca, Dios quillcachishcapi nishca shinami pactashca. Chaipica: «Huasita ruhuaccuna mana nishca, shitashca rumillatacmi, huasita callaringapac tucuimanta yalli alli Rumica tucushca» ninmi.

1 SAMUEL 18:29

Davidtaca ashtahuan manchashpa, tucui paipac causaipi Davidtaca piñarca.

1 SAMUEL 18:5

Davidca Saúl maiman cachacpipish ricllami carca. Shinallatac tucui chaicunapica allitami ruhuac carca. Chaimantami Saulca soldadocunata mandac cachun churarca. Davidca tucui gentecunapac ñaupapipish, Saulta serviccunapac ñaupapipish allimi ricurirca.

1 SAMUEL 19:8

Cutinllatac filisteocuna macanacungapac shamucpimi, Davidca paicunahuan macanacungapac llucshirca. Paicunata atishpa achca gentecunata chugrichishpa huañuchicpimi, paipac ñaupamanta miticushpa callparcacuna.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.

1 SAMUEL 26:21

Shina nicpimi Saulca: —Ñuca huahua Davidlla, ñucaca juchatami ruhuashcani. Cunanca cutilla, ashtahuanca mana llaquichishachu. Canca ñuca causaita yalli cuyashpami, cunanca mana huañuchishcagui. Riqui, ñucaca yuyai illac runa shinami, mana allita ruhuashpa pandarishcani— nirca.

1 SAMUEL 26:24

Riqui, cunanca cambac causaita yalli cuyashpami canta mana huañuchircani. Chaimanta Mandac Diospish ñucata cuyashpa tucui llaquimanta huacaichichun— nirca.