1 SAMUEL 18:14 - Dios Rimashcata Quillcashcami

¹⁴ Davidca Mandac Dios paihuan cacpimi, ima ruhuanapipish allita ruhuac carca.

1 SAMUEL 18:14 ပူးပေါင်းရင်းမြစ်များ

GÉNESIS 39:23

José imata ruhuacucpipish, Mandac Diosca paihuanmi carca. Joseca imata ruhuashpapish Mandac Dios paihuan cashcamantami allita ruhuarca. Chaimantami prezucunataca ricunallatapish mana ricuc carca.

2 SAMUEL 5:10

Mandac Dios Davidhuan cashcamantami paica punzhanta ashtahuan ashtahuan sinchi tucushpa catirca.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

1 CRÓNICAS 18:13

Shina mishashpami, Edom llactapica cuidac soldadocunata churarca. Tucui edomitacunami Davidta servic tucurca. David maiman ricpipish Mandac Diosmi macanacuita mishachirca.

1 CRÓNICAS 18:6

Chai quipami Davidca, Damasco pueblopi cac Siria llactapi cuidac soldadocunata churarca. Chashnami siriocunaca Davidta servishpa, impuestota cushpa causarca. David maiman ricpipish, Mandac Diosmi macanacuitaca mishachirca.

2 CRÓNICAS 17:3

Pai mandai callarishpaca, ñaupa taita David causashca shinallatacmi allita ruhuashpa causarca. Baal dioscunataca mana catircachu. Chaimantami Mandac Diosca Josafathuan carca.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

HECHOS 18:10

Ñucaca canhuanmi cani. Chaimanta pi cantaca imata mana ruhuangachu. Cai pueblopica achca criccunami tiyan» nirca.

JOSUÉ 6:27

Mandac Diosca Josuehuanmi carca. Chaimantami Josuepac shutica tucui cai pachapi ricsishca can.

JUECES 1:19

Judá aillucunaca Mandac Dios paicunahuan cacpimi, urcucunapi causaccunata llucchishpa cacharca. Ashtahuanpish pugru pambapi causac gentecunaca fierro carretacunatami charirca. Chaimantami paicunataca mana llucchishpa cachai pudirca.

1 SAMUEL 10:7

Ñuca huillashcacuna chashnatac pactacpica, can imata ruhuasha nishcata ruhuailla. Diosca canhuanmi canga.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 18:15

David imata ruhuashpapish allita ruhuacpimi, Saúl ashtahuan mancharca.

1 SAMUEL 19:8

Cutinllatac filisteocuna macanacungapac shamucpimi, Davidca paicunahuan macanacungapac llucshirca. Paicunata atishpa achca gentecunata chugrichishpa huañuchicpimi, paipac ñaupamanta miticushpa callparcacuna.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.